《毒L和初戀相識的日子》: 第九十一章 久違的糖水

第九十一章 久違的糖水

Winnie傳來一個信息。
「今晚不如一齊去B仔宵夜囉~ Zoe都去~ 你得唔得~？」(18:33)

我回覆:
「好阿，咁九點樓下等~？」(18:35)

Winnie傳來一個信息。
「ok~」(18:35)



到咗九點，我準時落樓下等Winnie。

我仲記得對上一次同Winnie去B仔食嘢，係我主動約佢嘅。不過已經係舊年十月嘅事喇，戈陣同佢都唔算識咗好耐。

「做咩突然之間搵我食宵夜嘅~？」我問Winnie。

「咁人地想見下你吖嘛~」Winnie回應。

「不過，Zoe都話嚟喎。你唔介意㗎可~？」Winnie補充。



「我又點會介意吖~ 只要可以見到你咪得囉~」我回應。

「成日都口花花嘅你~」Winnie笑笑口咁講。

我哋行去西鐵站，再搭去朗屏站落車行過去，而Zoe就喺兆康站上車。

「好耐冇見喇，Winnie~」Zoe一上車就同Winnie咁講。

「有幾耐呀，上次先去妳屋企打完牌~」Winnie回應。



「唉~ 我有個問題想請教下你呀~」Zoe嘆咗一聲氣。

「咩事呀~？」Winnie問。

「一陣坐低先講啦。」Zoe回應。

「咁好啦。」Winnie回應。

我哋去到大坑渠隔離戈間B仔，喺樓上揀咗張枱坐低。我地分別叫咗雞翼尖、魚蛋、燒賣、同埋兩個雜果西米露。

「妳唔要甜品嘅~？」Winnie問Zoe。

「係呀，今日唔想食甜嘢。」Zoe回應。



「咁妳講得咩事未呀？」Winnie問Zoe。

「David就快生日，不過我唔知送咩生日禮物畀佢呀。我就係想問下你哋嘅意見囉~」Zoe回應。

「男仔通常鍾意收到啲咩生日禮物㗎？」Winnie問我。

一時之間，我都唔知點答好。

「一啲實用啲嘅嘢或者一啲DIY嘅嘢囉，例如佢最近有冇話想要去買啲咩㗎？」我回應。

「我又唔覺佢最近想買啲咩喎...」Zoe回應。

「我都認同男班長所講嘅嘢，妳再留意下先囉~」Winnie回應。

「咁好啦，多謝你地。」Zoe回應。



我哋食完嘢之後就番去喇。

我哋同Zoe喺兆康站分別。

「再約啦我地~」Winnie同Zoe講。

「好啦，拜拜~」Zoe回應。

「拜拜。」我同Winnie向Zoe揮手道別。

我地搭到去屯門站，之後再行番去。

「咁你生日戈時想要咩生日禮物呀，男班長~？」Winnie問我。



「講咗出嚟咪冇驚喜囉。不過無論妳送咩畀我，我都咁鍾意㗎喇~」我回應。

Winnie聽完之後笑而不語。

我哋行到番去屋企樓下地下大堂，亦都要分別喇。

「咁聽日返學喺樓下等啦，男班長~」

「好啦，聽日見啦，拜拜~」

「拜拜~」







今日啲糖水比起上一次更甜。