《毒L和初戀相識的日子》: 第九十四章 照顧

第九十四章 照顧

到咗星期日，我一早就起咗身，準備同Winnie一齊照顧佢表哥個仔喇。

早兩日問咗Winnie，個細路八歲，讀緊小學三年班，男仔嚟嘅，叫做Tommy。

時間去到中午十二點半，Winnie話可以落樓下喇。我落到去之後，見倒Winnie之餘同時都見倒戈個細路。

「拿，Tommy，呢個係Joseph哥哥，今日會陪我地一齊去玩㗎。」Winnie指向我講。



Winnie講完之後，我有同Tommy揮手打招呼: 「Hello！」不過，佢聽完之後冇乜反應。我心諗: 乜佢咁冇禮貌㗎。

今日嘅行程Winnie已經計劃好哂喇，首先係去食lunch嘅，而地點係薩利亞。

我地三個一齊行過去，Winnie拖住佢行，而我就企Winnie隔離。

去到坐低之後，我地點咗餐。

「Winnie姐姐，我想去洗手間呀。」Tommy講。



之後，Winnie示意我要帶Tommy去。

我帶咗佢去商場廁所，好彩小學三年班嘅Tommy已經識自己搞掂，我只需要企埋一邊等佢就得喇。

「哥哥，你同Winnie姐姐係咪拍拖呀？」Tommy洗緊手戈時問。

乜依家啲細路觀察力咁強㗎咩......

「細路仔唔可以咁多事㗎。」我回應。



而佢就冇出聲喇。

番到薩利亞，啲食物已經到咗，有意粉、pizza、雞翼同埋沙律等等。

「食完之後，去睇番場戲先囉~」Winnie同我講。

「吓，睇咩戲呀~？」我問。

「你一陣咪知囉~」

Winnie買左兩點四十五分嘅戲飛，電影係《美人魚》。

入到戲院，我地坐咗後排嘅其中三個位，Tommy坐中間，我同Winnie坐側邊。

套戲係周星馳做導演，喺大陸拍嘅。內容對我嚟講都比較沉悶，同埋啲演員大部份都唔識。



喺睇緊套戲嘅時候，我一直諗緊Winnie plan咗下一個節目係啲咩。




幸運嘅係，個細路比我想像中易相處。