《毒L和初戀相識的日子》: 第九十五章 童真

第九十五章 童真

我都覺得悶，小朋友就更加覺得悶啦。Tommy喺套戲播到中途瞓着咗。

終於都出片尾喇。Winnie拍醒Tommy，我地準備離開。

「你覺得套戲好唔好睇~？」Winnie喺完場戈時問我。

「我覺得一般般啦，都比較悶。」我直接地回應。



「我都覺呀~」Winnie回應。

「咁我地跟住會去邊~？」

「你跟住嚟咪知囉~」

離開戲院之後，我地去咗一間我細個戈時成日去嘅舖頭，冒險樂園。

Tommy一去到就表現得好開心。



「我去換啲幣先~」Winnie向我地講。

「你想玩咩呀~？」我問Tommy。

「戈個吖。」Tommy指住「掟彩虹」。

細個戈時成日都玩，為嘅唔係因為份禮物，而係當中過程嘅刺激感。到年紀稍為大少少之後，就冇再玩過喇。

戈時無拘無束，冇咩需要擔心。相反，依家嘅我就要煩呢樣，煩戈樣。



Winnie拎住袋遊戲幣，我地三個首先一齊去掟彩虹。

彩虹有分紅、綠、黃、藍四隻色，仲有其他圖案可以中獎。紅色係最容易掟中，相反藍色係最難掟中。結果我中咗兩次紅色，而Winnie就中咗黃色，至於Tommy就冇中過。

「好耐冇玩喇~ 你呢？」Winnie問我。

「我都係~」我回應。

之後，我地有玩籃球機同埋一啲街機，每種遊戲玩完之後都有遊戲票，儲夠一定數量就可以換禮物。最後我地終於玩哂啲遊戲幣喇，換咗一枝筆同埋一本簿比Tommy。

到我地準備走嘅時候，Winnie電話響起。

「你同Tommy睇人地玩多陣先啦，我出去聽個電話~」Winnie向我地講。

大約兩、三分鐘之後，Winnie入番嚟。



「男班長呀，我有個問題想問你呀~」Winnie向我講。

唔知佢想問我啲咩呢......




見倒充滿童真嘅Tommy，自己都諗番起一啲開心嘅童年回憶。