《毒L和初戀相識的日子》: 第一百零七章 交功課

第一百零七章 交功課

兩日之後，話咁快今日已經係第二個學期嘅week8。星期一嘅早上，Winnie去咗Zoe嘅屋企陪佢，所以得我自己番I大。

Winnie傳來一個語音信息
「男班長呀，我今日走堂呀。我要去Zoe屋企陪佢呀，佢地仲未好番。梁sir份Assignment你幫我print埋吖，唔該你~。」(07:15)

我喺I大門口見倒家怡同阿文一齊番去，不過佢地見唔倒我。睇嚟，佢地嘅關係越嚟越好。

今朝梁sir堂要交一份Assignment，我首先去咗電腦房print嘢，入到去就見倒阿明用自己部notebook同人視像傾計。我坐咗阿明隔離個位，唔覺意望倒對方係一個女仔嚟，我估應該就係佢去咗澳洲Working hoilday個女朋友喇。



我print完嘢之後，見倒阿明已經傾完計喇，notebook都收好。

「啱啱戈個我女朋友嚟，佢喺澳洲Working hoilday，所以我地要靠Skype去聯絡。」阿明突然同我講。

「咁你地咪即係Long D~？」

「係呀，不過佢出年就番嚟啦。」

「你地日日都用Skype傾計㗎？」



「唔係，一個星期兩三次啦。不過每日都會Whatsapp。」

「咁咪好囉。最緊要你地之間要互相信任。」

「啱呀。夠鐘上堂喇，上去囉。」

「嗯。」

我都估唔到，唔係咁熟嘅阿明會同我講呢啲嘢。



上到班房之後我放低個袋，然後去廁所。去完之後喺走廊見倒阿Paul同晴晴。

「Joseph哥，早晨喎。」阿Paul同我講。

「早晨呀。」我回應。

「Winnie呢？」晴晴問。

「佢今日唔番呀。」我回應。

「你print咗Assignment 未呀？」阿Paul問。

「print咗啦~」我回應。



「乜今日要交Assignment咩？」突然有把女仔聲喺後面傳出嚟，擰轉頭一睇原來係Christy。

「係呀，你唔知咩？」晴晴回應。

「我唔記得咗呀，依家即刻去做先。」Christy回應。

入番班房之後，阿俊示意我同佢坐。佢同Jenny坐咗喺中間最後一排嘅長枱。

「做咩叫我坐過嚟嘅？」我問。

「有件事想你幫手呀。」阿俊回應。

「講嚟聽吓吖。」






唔知係咩事呢？