《毒L和初戀相識的日子》: 第一百零六章 情侶鬧交

第一百零六章 情侶鬧交

我地點咗兩個套餐，分別係唐揚炸雞丼飯同埋炭燒鰻魚飯。

「不如share食囉~？」Winnie提議。

「好呀~」

食完之後我地都走喇，因為出面有好多人等緊位。



「你覺得啱啱啲嘢食點~？」Winnie問我。

「都幾好吖，下次可以再嚟。」

「嗯，我都覺~」

「咁我地依家去邊~？」

「不如番去囉~？」



「好啦。」

喺搭緊車番去嘅途中，Zoe打比Winnie約食宵夜。

「你去唔去呀，男班長~？」Winnie聽完電話之後問我。

「好呀，咁去邊度食呀~？」我回應。

「我地樓下戈啲餐廳囉~」



「妳唔飽㗎咩~？」

「食少少姐，我地share食囉。」

我陪Winnie番上屋企放低啲嘢，再落去樓下嘅餐廳。離遠喺餐廳門口已經見倒Zoe，佢睇落眼腫腫，好似啱啱喊完咁。

我地入到餐廳坐低，點完餐之後Winnie即刻好緊張咁問Zoe。

「發生咩事呀，Zoe？」

「我同David... 鬧咗交.......」Zoe眼紅紅，非常失望咁回應。

「點解會咁㗎？」

「今日... 我地去咗一間咖啡店飲嘢，佢用部notebook趕功課。不過，我唔小心成杯嘢倒咗落佢部notebook度，結果佢部機即刻冇反應...」



「David好嬲咁鬧我，咁我冇心㗎，佢講到我專登咁。最後佢話我地要啲時間分開吓，之後就走咗。」

「之後我打比佢又唔聽，Whatsapp佢又冇睇，我唔知佢想點......」

「妳比啲時間David冷靜吓先啦... 佢應該都係一時嬲得先會咁㗎姐。」Winnie回應。

之後，Winnie不斷講啲說話去安慰住Zoe。大約十二點，我地送Zoe去對面嘅小巴站坐小巴番去。

「妳番到屋企打比我啦，拜拜。」Winnie對Zoe講。

「好啦，拜拜。」Zoe回應。

我同Winnie行番去屋企樓下大堂。



「我番上去等Zoe電話呀。我地星期一見啦，男班長~」

此時，我先有Lift。

「咁好啦，拜拜~」

「拜拜。」




情侶間經歷過鬧交，多數嘅關係會更穩固。