《毒L和初戀相識的日子》: 第一百一十二章 打保齡記(下)

第一百一十二章 打保齡記(下)

第二局正式開始。頭五round都算略有進步，我同阿Paul各自打咗一次全中，Winnie都少咗落坑，而晴晴都進步咗少少。

至於David佢地同第一局嘅表現都差唔多。

「你覺得我地仲有冇得追？」阿Paul問我。

「好難講~」我回應。



打多五round之後，第二局終於完結。

經過第二局嘅比賽，我嘅得分係131分，Winnie得分係42分，阿Paul得分係99分，晴晴得分係58分，第二局總分係330分。加埋第一局嘅分，總分係615分。

至於David戈組，David得分係133分，Zoe得分係105分，Jenny得分係66分，阿俊得分係80分，第二局總分係374分。加埋第一局嘅分，總分係762分。

緊接落嚟第三局正式開始。

其實大家都唔在乎結果，咪當玩吓、輕鬆吓。



「男班長，我地一齊加油啦~」Winnie對我講。

「嗯~ 加油啦~」我回應。

第三局嘅比賽我地組大家都有進步，Winnie已經慢慢掌握倒打保齡戈種技巧。

經過第三局嘅比賽，我嘅得分係146分，Winnie得分係58分，阿Paul得分係110分，晴晴得分係72分，第三局總分係386分。加埋頭兩局嘅分，總分係1001分。

至於David戈組，David得分係108分，Zoe得分係88分，Jenny得分係61分，阿俊得分係70分，第三局總分係327分。加埋頭兩局嘅分，總分係1079分。



我地已經打咗三局，球道上嘅燈已經熄咗，而顯示分數嘅螢幕亦都變咗做一啲動畫。

雖然我地輸咗，不過大家都好享受打保齡嘅過程。而且，大家嘅表現都有所進步。

之後，我地換番自己對鞋同埋還番對鞋去counter。

我地離開保齡球場，去咗附近嘅一間便利店買嘢飲。Winnie買咗盒朱奶，阿Paul買咗枝可樂，晴晴買咗枝寶礦力，我就買咗枝檸檬茶。

「你地飲咩呀~？」我問David佢地。

David同Zoe揀咗兩枝綠茶，阿俊揀咗枝可樂，Jenny揀咗枝烏龍茶。跟住我同阿Paul就夾份去比錢請佢地四個飲。

「你都打得幾好吖，下次再一齊嚟玩過吖。」David向我講。

「好呀，下次再玩過~」我回應。



David同Zoe啱啱先和好如初，佢地約咗一齊去踩單車。阿Paul同晴晴番I大拎嘢，而阿俊同Jenny就去附近搭巴士走。

分別之後，我同Winnie行番去沙田火車站搭巴士番去。

「有冇咁中意飲朱奶呀~？」我問Winnie。

「你遲啲就會知點解~」Winnie回應。





今日打保齡嘅過程非常刺激。