《毒L和初戀相識的日子》: 第一百一十三章 評價

第一百一十三章 評價

到星期五，下晝又係上全人堂嘅日子。話咁快今個sem嘅全人堂已經得番兩堂，今日呢堂係講番份proposal，然後下星期最後一堂就係全班都要分別參加同埋舉辦嘅大型活動。

我地準時入121課室去上呢堂。

「大家好呀，又係我Billy sir。今日呢堂就將會派番份proposal比大家，同埋會比comment你地。剩番嘅時間會比你地每組各自傾吓下個星期最後一堂個活動點安排。」Billy sir對全班講。

「至於最後一堂戈個活動，出場嘅次序會係戈日先抽嘅，每組大約有20分鐘嘅時間。地點就會去番上一堂喺地下嘅活動房。時間都幾趕㗎，大家盡量唔好遲到啦。」





「好喇，咁依家我請第一組出嚟先啦。」

我同Winnie、阿Paul、晴晴同埋家怡係第二組。喺等待嘅期間，Winnie喺度㩒電話，阿Paul同晴晴就用部notebook唔知睇緊啲咩，而家怡就笑笑口咁用部電話覆message。

「依家請第二組出嚟吖。」

我地五個出咗去老師枱前。

「咁你地個活動係估歌仔啦，咁係ok嘅，個idea都幾好。玩法係每組一齊估，之後派一個人鬥快舉手同埋出去拎咪講答案，咁就可以有合作。不過你地整咗音樂未？」Billy sir對我地五個講。





「我地整咗十首歌嘅純音樂。」晴晴回應。

「咁幾好吖。咁你地有冇問題想問？如果冇你地可以留低傾吓個活動點安排，傾完可以放學。記得下堂準時番呀。」

之後，我地番埋位傾分工。

最後我地嘅分工係咁: 我做主持，Winnie同晴晴負責㩒電腦播音樂，阿Paul負責比咪「參加者」去回答，家怡負責睇吓邊組最快舉手。

「就咁啦~ 咁分你地有冇問題~？」晴晴問。





「冇~」眾人回應。

然後，我地就放學喇。阿Paul同晴晴要去搵梁sir問嘢，而家怡就話要等人放學，我同Winnie一齊行去火車站。

「男班長，你做咩好似有心事咁嘅~？」Winnie問我。

一路上，我諗緊上個星期買旅行袋，同埋阿Paul、晴晴撞倒Winnie同伯母去咗整護照續期兩件事之間嘅關係。不過，我決定暫時唔講出嚟。

「冇呀，唔夠瞓咋嘛~」我回應。

「真係？」

「係呀~」

「你有嘢記得同我講呀~ 」





「我一定會啦~」

「係喎，我一陣要去親戚度食飯阿~ 咁你自己番去喇喎~」

「好啦。」

我地喺火車站分別。

「咁我地Whatsapp再傾計啦~ 星期一見~」

「嗯，拜拜~」

「拜拜~」








好彩份proposal有正面嘅評價。