《毒L和初戀相識的日子》: 第一百一十四章 朋友區間

第一百一十四章 朋友區間

過咗兩日之後今日係week9嘅星期一，我同Winnie朝早如常一齊番學。番到去之後見倒阿Paul同阿添喺班房出面傾計，阿添個表情有啲失望同唔開心。

我地入班房放低個袋，之後我自己出去睇吓佢地傾緊啲咩。

「早晨呀，Joseph哥。」阿Paul同我講。

「早晨呀，你地傾緊啲咩？」我問。





「唉，等阿添自己講喇。」阿Paul回應。

「我前日約咗Nicole出街，睇咗場戲同埋去食飯。喺送佢番屋企戈陣同咗佢表白，結果...」

「結果佢話其實我係一個好好嘅朋友，不過佢已經有中意嘅人...」阿添失望地回應。

「咪當吸取吓經驗囉...」阿Paul回應。

「係囉，起碼你都爭取過吖。」我回應。





此時，梁sir行咗入班房，我地都入去上堂。

我將阿添件事同咗Winnie講。

「會唔會太快呀？佢地識咗唔係好耐咋喎，咁快就表白？」Winnie回應。

「咁佢又係衝動咗啲嘅。」我回應。

坐喺我地前面嘅家怡都已經知呢件事，應該係阿文同佢講嘅。





「佢真係太衝動喇。」家怡回應。

到放break戈陣，我喺度㩒電話。

「我想飲嘢呀，你可唔可以幫我去買呀，男班長~？」Winnie問。

「好呀~」我回應。

我落咗樓下部汽水機買咗盒朱奶。番上去之後就開始上堂。

到放學戈陣，我見倒Nicole喺班房出面望入嚟。阿添都望倒，之後Nicole示意阿添出去。

「唔知佢地搞咩呢？」我講。

「唔喺埋一齊都可以做好朋友㗎姐~」家怡回應。





「咪係囉~」Winnie回應。





比人Friend Zone，我相信阿添心入面點都會有啲唔好受。