《毒L和初戀相識的日子》: 第一百一十七章 關心

第一百一十七章 關心

我記得Winnie之前曾經講過佢屋企出咗啲問題，不過我一直都冇再追問喇，因為驚搞到佢唔開心。

到星期四，喺番I大嘅車程期間，我出於關心，問Winnie有關琴日我見倒嘅事。

「Winnie阿，有啲嘢想問妳。」

「男班長，你有咩想問呀~？」



「其實，我琴日喺樓下見倒妳同伯母。我見倒伯母好似好唔開心，所以冇過嚟打招呼。係咪發生咗咩事呀...？」

Winnie猶疑咗一陣，神色凝重咁話:「男班長呀，我暫時唔想講呢件事呀。不如你等我搵一日個心情準備好，先同你講啦，好唔好？」

其實，每個人嘅內心總會收埋一啲心事。如果對方唔想講，可以做嘅就只有尊重對方嘅決定。

「好啦，咁我地講番啲開心嘢，晴晴問我地下星期五想去邊度食嘢喎~？」

「我想食放題呀，睇吓佢地意願啦。」Winnie有番笑容咁同我講。



「咁啱嘅，其實我都想食放題~」我回應。

「放題呢啲要一大班人去食先會食得開心啲~」Winnie講。

「我都覺呀，咁先有氣氛吖嘛。」

番到I大之後，今日係其中一科主科堂。放break戈陣問咗佢地，大家都贊成下星期五去食放題，之後再去唱K。

放學之後，時間係五點。我同Winnie、阿Paul同埋晴晴一齊走，佢地兩個去新城市睇戲。我地行到去校門附近，離遠見倒家怡同阿文一齊行。



「佢地真係有啲嘢咁喎~」晴晴同我地講。

「佢地幾襯吖~」阿Paul回應。

「係囉~」我回應。

「唉~ 你地唔好咁八卦啦~」Winnie向我地講。

「咩喎~ 關心吓佢地姐~」 晴晴回應。

「應該好快有good news㗎喇~」阿Paul回應。

行到沙田火車站外，我地解散。

「聽日全人堂見啦，拜拜~」晴晴對我地講。



「拜拜~」

同Winnie搭車番去，佢喺車上翹住我隻手瞓覺，望落好攰咁。





關心身邊熟悉嘅人，係好正常嘅事。