《毒L和初戀相識的日子》: 第一百一十八章 團隊合作(上)

第一百一十八章 團隊合作(上)

話咁快今日已經係今個sem最後一堂嘅全人堂。Lunch time之後，我地準時喺地下戈間活動房出面等，準備今日嘅大型活動。

Billy sir都好準時咁落到嚟，我地入到去之後分番組企埋一齊。

今日嘅大型活動，每組都會有一個特定嘅場合，根據戈個場合去設計一個活動，全班一共分為六組。

「大家好呀，又係我Billy sir。咁今日時間都幾趕嘅，依家即刻抽籤決定邊組出嚟先。」



「首先，有請第三組出嚟。」Billy sir對全班講。

第三組係阿俊同Jenny戈組，仲有三個唔太熟嘅同學。佢地抽倒嘅場合係「大學迎新活動」，而佢地嘅活動係「傳聲筒」。

玩法係每組五個人排成直線，最後一位同學喺房入面最後嘅枱睇完兩句句子之後，再按次序一路傳番去第一位同學，第一位同學就要出電腦枱前講番戈兩句句子出嚟。

我地組嘅次序由第一至第五分別係晴晴、阿Paul、家怡、我、Winnie。

遊戲正式開始，句子係:「一群白色嘅企鵝喺度游水，三隻黃綠色嘅蝴蝶喺花間飛舞。」



Winnie傳完呢句說話比我之後，我再傳比家怡，最後傳到去晴晴。

第四組最早出到去電腦枱前講，不過佢地講錯咗。之後第五組補答成功，遊戲亦都結束。

「好喇，有請第六組出嚟準備。」Billy sir對全班講。

第六組係Christy戈組，佢地嘅場合係「中學聖誕派對」，活動係「爭櫈仔」。

玩法係所有參賽者喺音樂播放期間圍住啲凳行，當音樂停止播放嘅時候，參賽者需要鬥快坐喺凳上，若未能搶到椅子，就代表已經出局。留到最後一輪嘅參賽者勝出。



第一輪係25人爭20個位，之後分別係20爭15、15爭10、10爭5、5爭3、最後3爭1。

我同Winnie第一輪都成功爭倒，之後第二輪我地唔夠爭。尾二戈round得番阿明、阿Paul同埋阿俊。最後，勝出嘅竟然係阿Paul。

「okay，下一組係第一組，請出嚟準備。」

第一組係包括阿明嘅全男組，唔知佢地準備咗啲咩呢？





今堂可以話係我喺I大上嘅堂入面最投入嘅一堂。