《毒L和初戀相識的日子》: 第一百一十九章 團隊合作(中)

第一百一十九章 團隊合作(中)

第一組抽倒嘅場合係「中學迎新日」，佢地嘅活動係同上個sem第一堂全人堂嘅「層層疊」一樣。

玩法係每組會有一疊報紙，一把鉸剪同埋一枝膠水。每組要喺十五分鐘之內盡可能將報紙疊到最高。

由於我地已經玩過呢個遊戲，所以我地已經有哂默契。我同阿Paul負責將報紙接成立體長方形，晴晴、Winine同家怡負責痴實佢，最後一齊疊上去。

大約十分鐘之後，我地個作品完成喇。目測同上次一樣都有兩米。其他組都仲努力緊，我地就喺度等夠鐘。



「最後五秒，四，三，二，一 。好，夠鐘，大家停手喇。我地會用卷呎去度番每組作品個高度嘅。」其中一個第一組嘅組員對全班講。

結果，我地組成績係210厘米，同上次差唔多。第三至六組成績分別係150、112、188同99厘米。結果我地贏咗。

「好喇，依家有請第四組出嚟準備。」Billy sir對全班講。

第四組係包括阿添在內嘅一組，佢地抽倒嘅場合係「生日派對」，佢地嘅活動係「快速傳球」。

玩法係每位參加者會獲派一張A4紙，係用嚟整一個可以運載一個乒乓球嘅容器。當活動開始之後，每組排成一直線，將乒乓球從後到前運去終點嘅紙杯內，最快完成嘅一組勝出。如果中途乒乓球掉咗落地下，全組參加者就要從新開始。



我地整完個容器之後，就排番一條直線。我地組嘅次序由第一至第五分別係晴晴、阿Paul、家怡、我、Winnie。

遊戲開始之後，Winnie傳個乒乓球比我，我再傳比家怡，家怡傳比阿Paul，阿Paul傳比晴晴，晴晴再傳去終點嘅紙杯內。

結果，我地組第三快完成。

「好喇，依家有請第五組出嚟準備。」Billy sir對全班講。

第五組係包括阿安在內嘅一組，佢地抽倒嘅場合係「探訪小學生」，佢地嘅活動係「開口中」。



玩法係每組派一個代表出去玩，由1至100估一個數字，如果中咗就輸。遊戲分為五round，每round有一組要淘汰，留守到最後嘅一組勝出。

Winnie做咗我地組嘅代表，喺第三round輸咗。

「真係唔好彩呀~」Winnie玩完之後同我講。

「唔緊要啦，玩吓姐~」我回應。

結果，第一組勝出。

「okay，終於到最後一組喇。依家有請第二組出嚟準備。」Billy sir對全班講。







我懷住緊張嘅心情行出去。