《毒L和初戀相識的日子》: 第一百二十五章 隔膜

第一百二十五章 隔膜

「玩咩先~？」Winnie問。

晴晴隨即拎咗個細籃出嚟。

「大家將部電話放入去，開番鈴聲，如果邊個部電話有人打嚟就要自爆一個祕密！」晴晴回應。

「吓，玩咁大~？」阿俊講。



「驚咩吖你！」Jenny回應。

「玩埋啲咁刺激嘅嘢~」Christy回應。

「幾好玩咁喎~」家怡講。

「係囉~」阿文回應。

「唔會有人打嚟掛......」Winnie同我講。



「我驚會呀...」Zoe回應。

「唔會咁啱嘅。」我回應。

大家都逐一將部電話放咗落個籃度。

「咁食完嘢之後先拎番電話啦~」晴晴對大家講。

之前上網都見過類似嘅「遊戲」，不過輸咗戈個係要請哂所有人食飯。



有咗智能電話之後，每逢一大班人飯聚都多咗人㩒電話、少咗溝通。其實，收哂大家嘅電話出去，都係想人同人之間多啲溝通，同埋打破大家之間嘅隔膜姐。

呢個時候，食物都到喇。款式多不勝數，有各款壽司、刺身、燒物、炸物、煮物、串燒、天婦羅等等。

「男班長，我想食花之戀呀，可唔可以幫我夾呀~？」Winnie細細聲問。

「可以呀~」我回應。

食到中途，Winnie同晴晴去咗廁所，Zoe襯呢個機會細細聲同我講咗句:「今朝Winnie件事我晏的Whatsapp同你講吖。」

我比咗個ok手勢回應。

「出去拎嘢飲囉。」坐我左邊嘅阿俊同我講。

「好呀。」我回應。



出到去個放飲品嘅雪櫃，我拎咗罐jolly shandy，而阿俊拎咗兩罐嘢。

「你飲忌廉鮮奶㗎咩？」我問阿俊。

「唔係呀，我幫Jenny拎咋嘛。我飲可樂呀。」

「原來係咁。」

突然，有人喺我身後拍咗我一下，原來係Winnie。晴晴都喺佢隔離。

「幫我拎埋吖~」Winnie同我講。

「妳飲咩呀~？」我問。



「同你一樣吖~ 唔該男班長~」Winnie回應。

我地行番去個位度。

「啱啱有冇人電話響呀？」晴晴指住個籃問。

「放心啦，冇呀。」阿Paul回應。

大家食到仲有三十分鐘左右，好多人都飽喇。不過，喺暫時冇電話㩒嘅情況下，大家都選擇同坐喺旁邊嘅人傾計。

突然，有一部電話響起了... 鈴聲係一首內置音樂。

「哼哼，部電話邊個㗎~？」晴晴問。

我部電話個鈴聲係周董嘅《彩虹》，所以一定唔係我。唔知邊個咁唔好彩呢...？







無論係兩個人之間、定係一班人之間，喺聚會嘅時候少啲用電話，多啲溝通，咁就可以有效咁打破互相之間嘅隔膜。