第一百二十七章 飲醉酒

我地七個人上到K房。首先打頭陣嘅係Dear Jane版本嘅《到此為止》。大家都跟住一齊唱。

「我再沒勇氣向你講舊時 沒有勇氣相愛另一次
為你將睡眠忘記 通宵傾談 但已經頓成往事
還是記起 無道理的對罵是年紀小的不智
今天你能忘記 只得我懷念 多麼諷刺」


之後係阿文揀嘅周柏豪嘅《我的宣言》,睇嚟佢係想唱比某個人聽。



「共你漫遊在天邊 看著低窪
想起我倆在某天白頭 無窮犧牲也不怕」


阿文獨唱完呢首歌之後,家怡喺度偷笑。

「記住要共最美的人分享每個夜晚 別忘掉原是靠堅持醫好每個傷患」

呢首《青春頌》係阿俊同Jenny揀嘅。



我一直懷住一點不安嘅心情去唱K。唱到中途,阿Paul又提議話想飲酒。

「不如叫半打啤酒飲咯。」阿Paul對我地講。

「我冇所謂呀。」阿文回應。

「我ok。」阿俊回應。

「你又嚟?」晴晴好不滿咁對住阿Paul講。



「飲少少姐,唔怕嘅。」阿Paul回應。

「廢事睬你呀!」晴晴不滿地回應。

好彩阿俊同阿文都話自己幾飲得嘅。不過,今次到我飲醉咗。我醒番嘅時候已經喺屋企張床上,望吓電話,時間係星期六上畫十一點半。

我行出房外去廁所梳洗。

「陳旭祖,乜你飲到咁醉呀,今朝你啲朋友送你番嚟,你完全冇反應嘅。」老母對我講。

「一時飲多咗姐,哈哈。」我回應。

「買咗碗粥比你食呀,放咗喺飯枱。」

「唔該哂。」



「咁我去打牌喇,聽朝先番。」

「okay,拜拜。」

之後我睇吓部電話,原來今朝係阿Paul同晴晴問咗Winnie我住邊之後再送我番嚟。

Winnie傳來一個信息。
「男班長,人地唔同你唱K姐,洗唔洗飲到咁醉呀?搞到阿Paul同晴晴要送你番嚟。你起身之後打比我啦~」(06:49)

我一邊食粥一邊打比Winnie,佢話嚟緊幾日假期都唔得閒,要到星期二先可以見面。






睇嚟Zoe同我講嘅嘢要下星期先有機會問Winnie。
已有 0 人追稿