《毒L和初戀相識的日子》: 第一百二十八章 突然之間

第一百二十八章 突然之間

話咁快Sem Two已經不知不覺都開始咗兩個幾月喇。我同Winnie幾乎每日都一齊番放學，有時放咗學之後會去拍吓拖啦。同好多情侶一樣，都係行街、睇戲、食飯。

復活節假期之後，今日係16年嘅3月29號星期二，下晝兩點先有堂上。我同Winnie食埋嘢先番去，都係喺樓下等。

「妳想去邊度食呀？」我一見倒Winnie就問佢。

「不如去譚仔吖，好耐冇去喇。」



「妳唔係唔中意食咩？」

「同你一齊食咩都冇所謂啦~」

自從第一次食譚仔之後，我地都冇再食過，因為Winnie話過唔太中意食。

我地入到去坐低，點完餐之後，Winnie唔知點解一直望住我。比着平時，佢一定拎住部電話㩒。

「做咩唔玩電話呀？」我問Winnie。



「冇阿，想望多啲我自己個男朋友咋嘛~」Winnie回應。

唔知點解，我覺得今日嘅Winnie同平時有啲唔同。我想開口問佢關於Zoe前幾日同我講嘅嘢，不過始終都係唔夠膽問。

三日之後到星期五，亦都係愚人節。今日day off，我諗住如常打電話比Winnie約佢出街，點知...

「你所打嘅電話號碼暫時未能接通，請遲啲再打過啦。」

我打多兩次都係咁。於是，我Whatsapp佢。過咗一個鐘都係單tick，而最後上線係昨天21:33。



我開始有啲擔心，於是諗住落去下一層搵佢。我打開鐵閘準備落去之際，見倒有袋嘢掛咗喺個手柄度。打開一睇，入面有一封信同埋一條粉紅色嘅頸巾。

我拎埋袋嘢跑落樓下，去Winnie個單位㩒鐘。我㩒咗好耐都冇人開門。

於是，我決定落去大堂問吓保安姐姐，有冇見過九樓姓王戈家人。佢話見倒今朝王太同佢個女拖咗兩個行李喼急急腳走。

我聽倒之後，即刻衝出去搭的士去機場。喺車程入面，我打開咗封信嚟睇，信封寫住「To: Joseph」，內容是咁的:

男班長(Joseph):

Hello，我係Winnie呀。
男班長呀，我有啲嘢想同你講。
當你睇倒呢封信嘅時候，我應該已經搭緊飛機去英國喇。其實，我婆婆舊年十二月已經過咗身。
之後，我父母即刻簽紙離婚，而我揀咗跟我阿媽。佢話唔想留喺香港呢個傷心嘅地方，
所以決定咗移民去英國搵佢家姐，即係我呀姨。


至於香港間屋，佢租咗比人住。

呢件事我好想親口同你講，不過我唔敢。
我好驚你會嬲我，怪我。
仲有我都唔想你唔開心。
離別戈時會好傷心，所以我一直忍住，冇講出嚟。我好唔捨得你... 對唔住呀。

我已經quit咗I大喇，會喺英國戈邊讀書。
男班長呀，雖然我唔喺你身邊，
但係你都要努力讀書呀！

你6月10號先至生日，
到時我已經喺英國。
所以我提早送生日禮物比你，
條頸巾希望你中意啦。


我好比心機織㗎，
你一定要用呀！

我地第一次一齊食嘢係去譚仔，
所以我想走之前同你食多次。
戈日我望住你，其實係我好唔捨得你呀...

仲有，唔知你記唔記得，
其實我地小學已經見過一次。
有一日我部Lift維修，我搭咗隔離戈部。
點知就困Lift喇。之後我好驚，你安慰住我。
唔知你有冇印象呢？
自從戈日，我就對你好有感覺。
估唔倒，我地會喺I大相遇。
什至我地會喺埋一齊。



喺I大呢七個幾月我最開心就係可以識倒你。
第一日番學坐你隔離，我以為你會認得我~

你仲記唔記得你差我一個願望呀~？
戈次去你屋企教你英文說話呢~
我依家想你幫我實現~
我嘅願望就係想你積極咁生活落去，
唔好咁頹，你身邊仲有好多朋友㗎~

最後，我想用女朋友嘅身份同你講，
你要好好生活落去呀。
我唔可以繼續喺你身邊喇，
你要照顧好自己，
唔開心要同人講，


唔好自己鬱喺心度。
仲有唔好成日打機，多啲出街啦。
要努力讀埋個HD。

多謝你呀，陳旭祖。
我愛你。
王泳琪 Winnie







一切嚟得非常突然。