《毒L和初戀相識的日子》: 第一百四十章 準備portfolio

第一百四十章 準備portfolio

今日係星期五，下晝要上喺I大第四科，亦都係最後一科嘅全人發展。唔知係咪Billy sir教呢？

我約咗阿Paul、晴晴同埋家怡食埋lunch先番去，而地點係學校附近嘅一間茶記。

食完飯之後，我地喺商場見倒阿明同佢女朋友拖住手咁行。原來佢女朋友已經去完working hoilday番嚟喇，阿明個樣都開心咗好多。

見倒咁嘅情況我都戥佢哋開心，唔知我幾時可以見倒佢呢？



我地番到I大，喺學校門口見倒阿添同Nicole一齊番去。我以為佢地都有好消息，不過家怡話佢地只係好好嘅朋友，做唔倒情侶都可以做好朋友喎。

我地上去課室121室，坐番平時大家坐開嘅位。我地坐低咗一陣，見倒阿安帶細佢一年個女朋友入嚟，原來佢都入咗I大，讀我地戈科嘅year one。

等咗一陣有個阿sir行入嚟，冇估錯又係呢個阿sir教我地呢科全人發展。

「大家好，又係我Billy sir阿。今科全人發展係你地嘅最後一科，主要做兩樣嘢，就係準備portfolio同埋會有一個模擬面試，對你地遲啲搵工或者升學都有幫助嘅。」

「咁首先今堂就教大家點樣準備portfolio啦。」Billy sir對全班講。



Portfolio，即係將自己嘅唔同種類嘅證書、獎狀等整成一份嘢。喺面試戈陣可以比人睇。

由於我地嘅證書種類唔多，所以連遠至小學嘅獎狀都可以加入去。不過，淨係限於完成呢份功課，喺真正嘅面試就唔可以喇。

「咁今日嘅功課就係每位同學要設計一份portfolio，連埋封面嘅。記住啲cert. 用影印本好喇，因為份功課係唔會派番嘅。咁下一堂交啦，如果冇問題今日就去到呢度。」Billy sir對全班講。

放學之後，我行出班房喺走廊竟然見倒Zoe。

「乜你喺度嘅？」我問。



「我等David放學吖嘛。係呢，你地搞成點呀~？」Zoe問。

明明妳仲清楚過我。

「得閒傾吓計咁囉，都ok吖~」

「你早啲搵番人咪唔洗之前咁囉~」

「咁依家我地都冇嘢啦~」

「總之你對人好啲啦。」

「知喇，咁唔阻你等David喇，走先，拜拜。」

「好啦，拜拜。」



今晚我又約咗同佢傾計，所以我都即刻番去。




係時候要為將來打算下。