《毒L和初戀相識的日子》: 第一百五十章 逗利是

第一百五十章 逗利是

今年嘅農歷新年假同番學戈陣唔同，只係放幾日紅日。

呢幾日假期去咗拜年、逗吓利是，亦都有留喺屋企打機，可以好好咁輕鬆一下。

只有幾日嘅假期過得特別快。放咗幾日農歷新年假之後，今日繼續要番去公司實習。放完長假之後大家都冇乜心情番工。

我個部門嘅主管同埋幾個同事都有派利是比我，仲有幾個由其他部門行過嚟嘅高級員工都有比。當然仲有由老細派嘅開工利是啦。



「新年快樂、身體健康呀，Joesph。」其中一位同事主動將一封利是比我。

「多謝多謝，你都萬事如意、身體健康。」我接過利是後回應。

差唔多嘅對答，今日經歷咗大約十次。

啱啱放完假嘅工作量並唔多，喺下晝仲可以㩒吓電話、Whatsapp傾吓計。

原來喺同一間公司實習嘅晴晴同家怡都收倒好多利是，不過阿Paul就慘啲，收倒嘅數量一隻手就數得哂。



話咁快就已經收工，今晚我約咗阿俊去旺角交收，早排拜託過佢幫我上網買啲嘢。

我哋喺地鐵站入面交收。

我接過阿俊幫我買嘅嘢，佢用咗一個紙袋入住。

「唔該哂你喎。」我對阿俊講。

「唔洗客氣喎。」



「你今日番工逗得多唔多利是呀？」阿俊問。

「十封左右啦。你呢？」

「加埋開工利是都係三封咋...」阿俊無奈地回應。

「咁慘... 係呢，你食咗飯未？」

「未阿，我約咗Jenny喺黃大仙戈邊食。」

「哦，咁好啦，遲啲學校見啦。」

「好啦，拜拜。」

「拜拜。」






第一次喺工作嘅地方收利是，感覺到有啲開心。