《毒L和初戀相識的日子》: 第一百五十一章 打工仔

第一百五十一章 打工仔

喺實習期間，雖然主要以學習為主，不過都要落手落腳去做嘅，同一個真正嘅打工仔冇乜分別，除咗人工低好多之外。

今日已經係番咗實習大約一半嘅日子，喺呢個部門可以話已經熟哂啲嘢。

我同啲同事都幾啱嘴形，咁啱大家都有打開機，所以唔驚冇話題。

「Joseph，你有冇諗過轉長工阿？」我同事阿倫問我。



「未決定阿，我仲考慮緊。」我回應。

「其實呢度都幾好吖，人工又比出面高，你又已經熟哂手喇，有得諗㗎。」阿倫講。

「我再考慮吓先啦。」我回應。

至於阿Paul同晴晴，佢地諗住一齊再讀上去，所以唔會留喺度做嘢。佢地嘅GPA高我咁多，大把出路揀。至於我，連畢唔畢倒業都唔知。

今日約咗佢地中午食飯，包括阿Paul、晴晴、同埋家怡喺公司樓下等，點知家怡突然話要同佢部門啲人食。



而我喺等阿Paul、晴晴期間，見倒家怡同佢部門嘅一個男仔一齊行。可能好快又會有好消息喇。

我地行咗去附近嘅一間茶餐廳食飯。

「唉，好想快啲完咗個intern呀。」晴晴抱怨。

「仲有一半時間姐，好快會過啦。」阿Paul安慰晴晴。

「好多嘢做呀，完全唔似番緊intern。」



「冇計啦，佢地唔夠人手，流失率又高。」

「一個個部門啦。」我回應

「好彩我地intern唔洗OT，唔係做到天光都未搞掂。」晴晴回應。

「係呀，咁鬼多report要妳打。」Paul回應。

到咗放工，我落番上水搭小巴番屋企。入到大堂，我打開信箱，見倒Winnie又寄咗張明信片比我。

我上到屋企，再打開嚟睇，入面除咗明信片之外，仲有一張Winnie喺倫敦塔橋影嘅相。

我望見張相，心入面諗咗一句: 如果我都喺妳身邊就好喇。

之後食埋飯，打咗陣機就瞓喇。番咗intern之後，冇咗好多精神同時間。








錢，真係唔易搵。