《毒L和初戀相識的日子》: 第一百五十四章 學期完結

第一百五十四章 學期完結

今個sem有一科考試，已經喺最後一堂考咗，冇放到喺考試週。喺考完之後，我幾肯定係pass倒的。

最後一科考試都考完，代表我離開I大嘅日子越嚟越近喇。今日亦都係last day，大家都有啲唔捨得。

梁sir特登上嚟搵我地全班影大合照。佢對我地全班講:「各位同學，雖然我地唔係識咗好耐，不過我已經同大家好熟喇。如果大家將來遇到咩難題，隨時歡迎嚟搵我㗎。」

至於我都有同其他人影相。



「Hey guys，大家一齊影張相囉？」家怡問我地。

「好呀。」

「咔嚓」

相入面除咗我仲有阿Paul、晴晴、阿俊、Jenny、家怡同Christy。

另外，我亦都有同阿添、阿明同埋阿安等人影相。



除咗阿Paul同晴晴決定繼續升學，似乎大家都未決定好將來打算點。

到離開課室之前，我又諗番第一日同Winnie喺呢度認識嘅畫面，令我不禁有點感觸。

戈日係兩年前嘅九月一號，第一日準時番去I大，完全唔冇熟悉嘅人。所以，我坐咗喺呢個課室最後排窗口位嘅二人位，仲放咗個袋喺隔離張凳添。

隨住時間嘅流逝，班房嘅人越嚟越多，坐位嘅數目越嚟越少。出乎意外地，一個好靚嘅女仔行過嚟問:

「Hi，我可唔可以坐呢度呀？」



冇錯，佢就係Winnie。呢句說話亦都係佢第一句同我講嘅嘢，戈時同佢都係互不相識嘅。

我同番佢講:「可以呀。」

到選班長嘅時候，我同佢竟然巧合到一齊做咗班上嘅男、女班長。

戈陣我亦都完全冇諗過，我同佢喺童年已經見過面，什至係住埋同一座大廈。

之後我哋經歷咗好多事，關係越嚟越好，什至會喺埋一齊，成為男女朋友。

最可惜嘅，係我地唔能夠一齊畢業。

「你做咩喺度發哂呆呀，Joseph哥？」阿Paul向我講。

原來班上嘅人已經走得七七八八。



「冇嘢呀，我哋都走囉。」我回應。





兩年時間，過得好快。