《毒L和初戀相識的日子》: 第一百五十五章 打算

第一百五十五章 打算

I大嘅last day已經過去，亦都代表我哋要為自己嘅將來好好打算一下了。

阿Paul同晴晴已經一早決定好有咩打算。佢哋報咗City U嘅一個課程，即係之前全人堂模擬面試戈個。以佢哋嘅GPA，我相信肯定會收佢哋。

而阿俊同Jenny，似乎佢哋仲未決定好將會有咩打算。

家怡就打算繼續喺實習間公司做，而Christy打算點就暫時唔清楚。



至於我，喺實習戈陣，我覺得呢間公司都幾好，同啲同事夾倒同埋又唔惡做。加上我唔知搵咩工做，成績又唔夠駁上去讀Degree，所以完咗實習之後我轉咗做長工，繼續喺戈度做住先。

一切都好順利。去到六月尾出成績，所有科都合格。即係話，我順利畢業喇！

我對於呢件事都好開心，而正式嘅畢業證書要到年尾先有得拎。

至於阿Paul、晴晴、阿俊、Jenny、家怡同埋Christy，佢哋都可以順利畢業。

我喺同Winnie Skype戈時將呢個好消息同佢講。



「今日我有個好消息要同妳講~」我對Winnie講。

「咩好消息呀~？」

「我順利畢業喇，雖然唔高分，哈哈。」

「恭喜你喎~ 咁你之後打算點，出嚟搵工？」

「我會繼續喺實習戈間公司做住先~」



「咁都幾好~ 可以賺下錢~ 拿，我番香港戈時你要請我食好嘢㗎~」

「一定一定！」

「之前你寄比我戈樣嘢我收倒喇，多謝你~」

是咁的，之前叫阿俊上網幫我買咗樣嘢，就係印咗朱奶圖案嘅咕。

「吓，我寄咗咩比妳？」我故意扮唔記得。

「呢樣呀~」佢show咗個咕喺鏡頭前。

「哦，原來係呢樣~ 妳中意就得啦~」

「我緊係中意啦。係喎，之前咪話……」



最後，我同Winnie傾咗一粒鐘，係比我好大嘅動力。




決定自己條路點行，都唔係容易嘅事。