第一百五十九章 氹女仔

「你又係衰嘅,約咗女朋友傾計都可以去瞓覺嘅?」阿婷對我講。

「咁我以為佢放我飛機嘛...」我回應。

「你少少耐性都冇嘅?」

「我等咗佢好耐㗎喇。」



「呢樣唔講住。其實呢,你知唔知女仔口中嘅『冇嘢』其實即係有嘢?」

「吓,你講緊乜...?」我問。

「仲有女仔口中嘅『唔會介意』其實即係好介意?」

咁可怕嘅嘢我都係第一次聽。

「唔係掛,咁點解佢唔直接講吖?」



「咁女仔一向都係咁㗎啦,乜你咁冇佢心㗎。」

「咁依家點算好...?」

「咁啦,一陣食lunch戈陣教你一啲方法去氹番人啦。」

「好呀,多謝妳。」

成個上晝我依然係帶住阿婷工作,不過我好難集中倒精神。



終於都到咗放lunch,我同阿婷去咗公司附近嘅一間茶記,位於上次戈間嘅過兩條街。

「你哋一齊咗幾耐呀?」阿婷問。

「一年多少少。」我回應。

「其實個女仔係咪你初戀?」

「係呀。你又知嘅?」

「唔怪得你唔識睇人哋嘅眉頭眼額啦。咁啦,教你幾個方法氹番佢喇。」

「好呀。」

喺食飯嘅途中,佢教咗我兩個方法去氹番Winnie,叫我自己決定揀邊個。



食完飯繼續番去公司開工,不過我今日完全唔在狀態。我仲發咗幾次呆,都係阿婷叫番醒我。

到放工番到屋企戈陣,我決定用其中一個方法去氹Winnie。




呢個時候我仲未知道阿婷啲辦法係完全唔work既。
已有 0 人追稿