《毒L和初戀相識的日子》: 第一百五十八章 新同事(下)

第一百五十八章 新同事(下)

Winnie傳送了五個信息
「男班長呀，Sorry呀，啱啱學校有活動，遲咗走，電話咁啱又冇電，所以開唔切Skype。其實呢，我有個問題想問你。」(1:15 am)

「其實我哋兩個相隔咁遠，見唔倒面，有時差，有啲咩都要上網先聯絡倒」(1:16 am)

「你會唔會想要番一個可以隨時見倒面嘅女朋友㗎？」(1:19 am)

「唔理人㗎，咁快瞓咗...？」(1:55 am)



「如果你唔想繼續落去，可以同我講㗎喎。」(2:33 am)

見倒啲信息，我決定即刻打比佢。依家時間係朝早七點半，英國戈邊係夜晚十點半，佢肯定未瞓。

「喂，Winnie呀？」

「你終於搵我喇咩？」

「琴晚等咗妳好耐，太攰所以瞓咗。」



「唔緊要，咁你打嚟有咩想同我講？」

「我想講嘅係，雖然我哋相隔咁遠，有咩都唔見得面，不過我都想同妳一齊繼續落去~」

「真係？」

「係呀，我真心㗎。」

「咁你有冇嘢瞞住我？」



「冇呀，冇嘢暪住妳呀。」

「晴晴同埋家怡同我講哂喇，你同你公司戈個女仔行得好埋，一齊食飯又一齊放工，你以為我唔知？」

「佢係我部門個新同事，咁我負責教佢做嘢嘛，佢唔識公司其他人，所以我咪同佢食飯囉。我冇同妳講，對唔住呀。」

「唔緊要，我冇嘢喎。」

「妳真係唔會介意？」

「唔會喎，我先唔會介意呢啲嘢。」

「多謝妳呀Winnie。咁我番工喇，我哋再聯絡啦。」



「哦，拜拜。」

「拜拜。」

喺搭車番工途中，我有send啲信息比Winnie，不過比佢已讀不回咗。睇嚟，佢嬲咗我。

番到公司之後，喺開工之前我對阿婷講咗我同Winnie嘅情況比佢聽。

佢聽完之後，講咗一個非常可怕嘅現實比我聽。




喺阿婷同我講之前，我完全唔知呢樣嘢。