《毒L和初戀相識的日子》: 第一百六十四章 原諒

第一百六十四章 原諒

電話顯示:「來自Winnie的2個信息」

我即時打開個Whatsapp個chatroom，發現原來Winnie已經原諒我喇，呢一刻我亦放低咗心入面嘅重擔。

「哈哈，男班長呀，你知唔知我睇完段片之後笑咗好耐~ 估唔到你都識得用呢啲方法~」(23:09)

「好啦，我唔嬲喇，我接受你嘅道歉。不過你以後有啲咩都要同我講呀！」(23:10)



就係咁，多得Zoe教我嘅方法，我同Winnie先可以繼續維持住呢段關係。

依家係七月，天氣非常之熱。好彩嘅係公司做嘢嘅地方係有冷氣嘅。

阿婷今日「射波」冇番工，我好似平日咁做嘢。喺做嘢嘅途中，家怡突然過咗嚟我做嘢個部門搵我。

「Joseph，得唔得閒傾兩句？」

「都得嘅。」



我放低手頭上嘅工作，跟佢行咗出去走廊盡頭。

「咩事？」我問。

「Well，我想同你講聲sorry，因為係我間接搞到你同Winnie鬧交...」家怡帶點悔意咁回應。

「唔緊要喎，我依家都同佢和好咗啦。同埋，呢件事我都有責任嘅。」

「你哋和好咗就得喇~」



「咁我想問番妳一個問題~」

「好呀，你想問咩？」

「同妳同一個部門戈個男仔，成日同妳食飯戈個呢，妳同佢係咩關係~？」

「係... 秘密！」

「講嚟聽吓啦，我唔會同其他人講㗎喎。」

「係… 秘密嚟㗎喎！ 」

「唉，妳唔想講就算啦。」

「要番去做嘢喇，如果唔係會比人鬧。」



「好啦。」

我行番去我個部門，同事阿倫向我講，話主管叫我入佢房。

於是，我行去主管間房外面，拍門準備入去。





唔知佢突然搵我咩事呢？