《毒L和初戀相識的日子》: 第一百七十八章 久違的電影(上)

第一百七十八章 久違的電影(上)

來自阿Paul的1個信息:
「Joseph哥，你星期六晏晝得唔得閒呀？」(18:45)

我回覆:
「咩呀，唔係約咗你同晴晴夜晚出嚟食飯咩？」(18:46)

阿Paul:「食飯係下個星期六，我係問你今個星期六呀。」(18:48)



我:「係喎。我都得閒呀，做咩？」(18:49)

阿Paul:「想搵你一齊去睇套戲，晴晴個朋友早兩日送咗三張飛比佢，所以唔洗錢㗎。你有冇興趣呀？」(18:52)

我:「原來係咁，我ok呀。不過睇咩戲先？」(18:54)

阿Paul:「日本片嚟㗎，叫做《我的毒男叔叔》。」(18:56)

之後我哋約咗今個星期六下畫兩點，喺旺角百老匯戲院地下等。



原本約咗佢哋下個星期六出嚟食飯，依家可以早一個星期見面了。

自從Winnie去咗英國之後，我都好少去戲院睇戲，其中一個原因係唔想見倒啲情侶喺度放閃，因為戲院都算係多情侶會去嘅地方。

到咗星期六，喺我搭車出去嘅途中，我上網睇吓關於呢套戲嘅資料。

上網期間，我發現咗一個重點，就係「毒男」呢兩個字。

兩年前，我仲係一個真真正正嘅毒L，唔注重外表、唔太敢同人講嘢、同埋好難去為一件事做決定等等，呢啲特徵我都曾經有過。



不過，自從識咗Winnie之後，佢令到我改變咗好多。隨住同佢相處嘅日子越嚟越多，我都漸漸地由一個毒L慢慢轉變成一個正常番啲嘅男仔。

落車之後我行到去戲院地下，離遠已經見倒阿Paul同晴晴。

「好耐冇見喇Joseph哥~」阿Paul向我講。

「係囉，好耐冇見喇，Joseph~」晴晴向我講。

「都唔係好耐姐~」我回應。

「行啦，都差唔多夠鐘喇~」晴晴向我哋講。

「好呀~」我回應。

上到去戲院，我哋坐咗位於中後排嘅位。等咗一陣，終於熄燈開始播映喇。



差唔多兩小時嘅電影，好快就睇完喇，我覺得都算幾好睇。喺開番燈之後，阿Paul隨即向我講咗一句說話。




聽完之後覺得佢係串緊我嘅。