《毒L和初戀相識的日子》: 第一百九十二章 心急如焚

第一百九十二章 心急如焚

電話顯示:「來自Winnie的1個信息」

「男班長呀，琴日我整親隻手，之後去咗醫院檢查同埋包紮。醫生話淨係休息吓就得，依家冇乜事喇，你唔洗擔心我喎~」(16:30)

見倒咁嘅信息，我嘅心情極度不安，亦都心急如焚。我唔知可以為佢去做啲乜。

我約咗佢一陣開Skype傾計，佢即刻就答應咗我，佢仲叫我唔好咁緊張。



不過，我嘅心情仲係非常緊張，並且趕住番去透過個螢幕同佢傾吓計，睇吓佢係咪真係冇事。

番到去之後，我即刻坐喺電腦枱前，並開着電腦。等咗一陣，佢終於online喇。

「妳冇事吖嘛？」我緊張地問。

「咪話咗冇事囉，休息幾日就得喇。你唔好咁緊張啦~」Winnie回應。

「真係冇事？」



「都話係囉~ 比你睇吓我個傷口喇~」

原來佢整親隻左手拇指，並且包紮咗。

「醫生話我傷勢輕微，開咗止痛藥比我同埋幫我包紮。幾日之後會慢慢好番。」Winnie續說。

冷靜落嚟之後，我哋繼續傾計。

「係呢，妳點解整親嘅~？」



「我琴日喺屋企唔小心比道門夾親隻手，之後我覺得好痛。我本來諗住搽吓藥油就算，不過我阿媽係都要同我去醫院檢查。」

「妳小心啲吖嘛~」

「知喇~ 你放心啦，我休息幾日就會冇事~」

「好啦，咁妳有啲咩再同我講啦。」

「嗯~ 我會㗎喇。好啦，傾到呢度先啦~」

曾經有個朋友講過，話佢點都接受唔倒long d呢種戀愛模式。佢舉咗一個例子，如果個女仔夜晚肚餓想食宵夜，個男仔又有乜可能即刻買倒嘢比個女仔食呢。所以，佢唔會接受long d。

今次嘅經歷雖然令到我有啲擔心，不過我都有信心同佢繼續落去。

阿Paul、晴晴、家怡、Jenny、阿俊同埋Zoe先後都得悉Winnie整親隻手，佢哋都有叫我好好關心佢。



放咗一日假之後，第二日又要再番工喇。我番到公司之後，收倒一個既意外又有少少驚喜嘅消息。





呢個消息我亦都係意想不到嘅。