《毒L和初戀相識的日子》: 第一百九十七章 中秋夜

第一百九十七章 中秋夜

「我諗咗好耐，最後都係決定同佢出街~」阿輝回應。

「吓，點解嘅？」我問。

「學你話齋，咪當朋友之間食飯囉~」

一日之後，今日係中秋節正日。我做緊戈間公司比我哋提早到四點正收工。



今晚同阿俊、Jenny、David同埋Zoe出嚟聚舊兼賞月，阿Paul同晴晴就因為太忙而嚟唔倒，家怡就話已經有約喇。

阿俊約咗我哋去佢喺黃大仙嘅屋企打邊爐，而佢已經買好哂材料喇。

當我收工落公司樓下戈陣，見倒家怡同Kenneth拖住手咁行，睇嚟佢哋都唔怕比熟人見倒。

阿輝就喺公司門口等戈個女仔，唔知佢哋會發展成點呢？

我之後行去火車站搭車去黃大仙，期間Winnie send咗段錄音比我:「中秋節快樂呀，男班長。唔好食咁多月餅呀，肥死你呀~」



我上到阿俊屋企，David同Zoe未到。

「你哋最近點？」我問阿俊同Jenny。

「我仲做緊廢青，遲啲會搵份散工~」阿俊回應。

「我就做緊份part time。」Jenny回應。

「畢業之後，好似好唔慣咁。明明幾個月之前仲係一個學生... 依家已經要去搵工喇。」阿俊抱怨地講。



「係咁㗎啦，咁你揸住張HD畢業證書去搵工都好過就咁DSE證書吖。」Jenny回應。

「咁你有冇諗住做咩工？」我問。

「未決定呀，遲吓先算。」阿俊回應。

「係呢，家怡今日唔嚟嘅？」Jenny問。

「佢要拍拖吖嘛~」我回應。

「吓，佢有新男朋友咩？」阿俊問。

「係呀，公司識㗎，喺同一個部門做嘢。」我回應。

「真係估佢唔倒喎。」Jenny回應。



「叮噹」門鐘響起。

阿俊行去開門，見倒係David同埋Zoe。

「我地可以開波喇~」阿俊講。

我地一邊睇吓電視，一邊打邊爐。

食完之後，阿俊拎咗個煲同埋啲碗碟入廚房洗，Jenny同David都入咗去幫佢手。

「聽講之前Winnie阿姨個仔結婚喎，你有冇睇佢啲相？」Zoe問。

「有阿，佢幾開心咁。」我回應。



「其實佢喺戈邊冇乜朋友，佢番學戈度大部份都係英國人。」

「我都知，佢之前都有同我講過。」

「所以你要好好地對Winnie呀，即使你地相隔咁遠。」

「我知喇。」

之後，我地玩咗陣啤牌，再落咗樓下個公園坐，望上天個月亮又大又圓。阿俊遞咗個月餅比我，不過我仲未飽完，所以冇食到。

到十二點幾就走喇，我同Zoe、David 一齊搭車番去。

雖然第二日係假期，不過我一番到去已經攰到瞓着咗喇。

到第二朝醒咗之後，我睇電話收倒一個幾意外嘅信息。







估唔到呢件事咁快就發生。