《毒L和初戀相識的日子》: 第一百九十六章 一封信件

第一百九十六章 一封信件

打開之後，我見倒信封入面有幾張相片同埋一張紙。相片就係之前Winnie喺佢阿姨個仔結婚嘅婚禮所影嘅相，佢寄咗幾張比我。

至於張紙，佢寫咗幾句嘢比我，內容是咁的:

「男班長呀，我係Winnie呀~ 我好耐都冇寫過信比你喇。

啲相係之前呀姨個仔結婚戈陣影㗎，係我第一次參加英式婚禮。



比幾張相你放喺銀包或者相架，咁你掛住我戈時咪可以見倒我囉~

我暫時都未知我哋幾時先可以見面... 你會等我㗎可~？」

我都已經有一段時間冇收倒佢寄比我嘅信或者名信片喇。因為我哋經常都用Skype等等嘅app去聯絡，可以即時回覆。

我睇完封信之後即刻用Whatsapp搵佢。

我:「得唔得閒傾幾句呀~？」(19:48)



Winnie:「都可以嘅。做咩搵我嘅~？」(19:49)

我:「我今日收倒你寄比我封信喇~」(19:49)

Winnie:「終於都收倒喇~」(19:50)

我:「我會放啲相去我身邊㗎喇~ 同埋我一定會等妳嘅，不過我哋真係唔知幾時先可以見面咩？」(19:51)

Winnie:「算你啦。我知你好想同我見面，其實我都好想~ 你再比少少耐性啦~」(19:52)



我:「好啦... 係呢，妳幾日之前咪整親隻手嘅，依家點？」(19:54)

Winnie:「已經好番好多喇~ 你可以放心~」(19:56)

同佢傾咗一陣，感覺都幾開心。我之後將啲相放喺相架入面。

過咗幾日，到咗中秋節前夕，我如常番工。喺做緊嘢戈時，同阿輝傾咗陣。

「Joseph，我收倒風話聽日早收工喎~」阿輝向我講。

「咁好？咁知唔知收早幾多呀？」我問。

「上年就收早一粒鐘，今年就唔知喇。」

「咁都好吖。」



「係呢，你聽日有咩節目呀？」阿輝問。

「去我同學屋企打邊爐囉。咁你呢？做好決定未呀？」我回應。




唔知佢會唔會同戈個女仔出街呢？