雙子星...係呢間學校嘅一個傳奇故事

兩年前,我同阿龍帶領住呢間學校嘅籃球隊打入學界嘅決賽,我果陣場均可以拎到40分,而阿龍場均有十個助攻,我同阿龍比人稱為最有潛力嘅小前鋒同控衛。

亦都比人一致認為有幾會可以去美國發展,而且果陣仲係form1 嘅我地打緊嘅唔係細grade,而係有一堆強敵嘅大Grade(勿當真)

但係就係比賽當日,阿龍發咗高燒完全打唔到比,而我亦都係第一節嘅時候就受咗傷,結果果一年我地凈係拎到亞軍。

第二年,我地雙子星加上一個米九嘅中鋒,成功毫無壓力咁拎咗冠軍。





但係果一年,我嘅腳傷嘅情況其實唔太樂觀,每次比完賽都要唞兩三日先可以勉強跑得郁,而且傷勢不斷復發。

最後亦都患上咗抑鬱症,所以我決定咗退出籃球隊,亦代表咗雙子星嘅其中一粒,正式隕落。

但係聽人講...今年米九中鋒嘅實力大增,所以校隊都有機會可以二連霸,睇嚟今年嘅社籃...應該幾有趣。

阿龍同我答應咗參加社籃之後,唔使兩個鐘,全校都傳緊雙子星重新回歸嘅事...

話咁快就去到比賽當日,我哋黃社好輕鬆就打咗入決賽,而我哋嘅對手係...綠社嘅阿峰,即係米九中鋒,係就嚟開波果陣,





「今年,再創造多次100奇蹟!」,阿龍熱血沸騰咁講。(上年社籃嘅決賽我哋嘅總得分係100分,而我嘅波衫number係1號,阿龍係00號,所以就叫做100奇蹟)

「簡單。」,我回答。

比賽正式開始,阿峰贏咗跳波,觀眾係到歡呼,我望過去,見到愛盈好似啱啱先完咗課外活動過到嚟,而且手上舉起咗一塊板,上面寫住「希哥加油!」,佢幾時整架...

講番正題,對面控衛拍波過咗半場之後畀阿龍一下偷咗,我隨即緊貼向前跑,之後阿龍將粒波傳到去籃板位置,粒波透過籃板反彈,我隨即跳起嚟個暴力入樽,完成咗一個完美嘅Alley-oop(空中接力),全場氣氛立即沸騰,我向住愛盈做咗個拉弓射箭嘅動作(參考咗Jamal Murray嘅bow&arrow),我哋兩個相望,同時笑咗。

對面開咗波過咗半場之後就傳咗俾企喺三分線外嘅阿峰,當所有人以為佢會再傳波果陣,佢直接起手,粒波應聲入網,三分命中,原来呢個就係佢實力大增嘅原因...睇嚟有啲嘢玩喇......