又到聖誕......聖誕呢...由細到大我多數都係自己過,不過今年...唔知會唔會有個女朋友同我過...

話說今日係12月22號,我哋學校今日會有個聖誕party。

聖誕party其實通常都係番去玩下,影下相,不過我同愛盈前幾日就約好咗今晚食完飯之後要交換禮物,我亦都想把握呢個機會嚟同佢表白,唔係嘅話我都唔知幾時先有機會去做呢件事。

而家都六點,我要送俾佢嘅禮物都終於整好咗,係我花費咗成埋訓都無訓過嘅心血嚟。

不過而家係時候要整早餐喇,當我諗住企係身果陣,憶奇跳咗上我張枱問我:





「我呢我呢?我嘅禮物呢?」,憶奇望到我實一實。

「一早買好咗,正日嗰日先再比你。」

你就好好享受我遲啲送俾你嘅比卡超衫。

之後我就繼續做我平時朝朝都要做嘅嘢,叫醒公主大人。

當我打開佢房門果陣,發現佢已經坐係床上面碌緊電話,





「咁早起身嘅今日?」,我有少少出乎意料。

「緊係啦~今日聖誕party呀嘛~同埋我都好期待你今晚嘅禮物!」,佢身上散發出滿滿嘅元氣同期待。

跟住我哋就食早餐,食完早餐之後我哋兩個就出咗門口,途中我發現我哋又唔小心著咗情侶裝,入面白色長袖T,跟住黑衛衣黑褲仲有白鞋,睇嚟一陣間又會俾人講。

番到學校之後,party好快就開始咗。

其實聖誕party不外乎都係抽下獎,玩下啲無聊game,同食下零食,而健康嘅我就完全冇食過啲油膩嘅嘢,只係食咗幾條菜就算。





而出乎意料嘅係,係party完咗之後,有一大堆人話要同我影相,仲要大部分都係師妹,無記錯嘅話之前好似有好多師妹嚟睇社籃,但係數量比起上年多咗成倍,聽阿龍估計話起碼有五至六十個唔同form嘅女仔過嚟。

結果就由十二點影到兩點幾,之後就再俾阿峰拉咗落籃球場同籃球隊班人影相,最後三點先可以唞下,不過我邊有可能會唔同愛盈影呢,所以我就拉咗愛盈去一個冇人嘅地方同佢影咗張selfie
,po上ig之餘順便換埋頭像,結果之後有一堆人係下面留言話點解淨係po佢,我一律都回答「秘密」兩隻字。

之後話咁快就到咗夜晚,食完一餐比平時豐盛啲嘅晚餐之後,我哋就開始交換禮物,我率先俾我訓禮物畀佢,

「我要送兩份禮物畀你,第一份係...呢個」

我拎咗一隻寫黑貓公仔出嚟,放喺佢手上,上面簡單咁寫住一隻字-希。

「呢隻公仔就代表住我,跟住你就可以晚晚攬住我嚟訓,你無得唔鐘意架你」

「不過我覺得咁樣都未夠,所以我決定...送埋我自己比你。」





「黃愛盈,其實我鐘意咗你好耐,可唔可以做我女朋友?」

呢個時候我已經緊張到個心都就嚟跌埋出嚟,因為佢係我第一個真真正正愛上嘅人,第一個足以令我動情嘅人,第一個真心對我好嘅人,每次諗起佢,個心都好溫暖...

所以如果佢拒絕嘅話,我都唔係好識點樣應對。

但係我諗,只可以坦然接受,雖然好難做到。

最後佢無回應到我,反而係突然開始喊。

「唔可以.......」