「唔可以...唔可以吖...明明...明明....我諗咗咁耐...點樣同你講先好...結果你竟然...」

呢個時候,我嘅心情已經跌到落谷底。

「點解...」

我個腦只能驅使我咁講。

「因...因為...葉正希,我...我....我愛你!」





但係眼前嘅呢個女仔,將我拉返上嚟。

「...傻妹...」

聽到果三隻字之後,我諗唔到仲可以講咩,只能會心微笑。

係呢個時候,我鼓起勇氣,踏前一步。

左手扶住佢條腰,而右手放係佢後頸,四目交投,慢慢咁貼近塊臉。





最後吻向佢嘅嘴唇,好軟,仲有溫暖,原來呢個就係戀愛嘅感覺。

我終於將我想講好耐,而且諗過無數次嘅嘢講咗出嚟...

亦都得到咗一個最好嘅答案...呢種感覺...真係奇怪,竟然令我係咁係度傻笑。

我哋嘅嘴唇分開咗之後,我問佢,

「係呢,你嘅禮物...」





「呀係喎!嗱」

佢將一個盒擺咗係我隻手上面,我打開咗之後,發現入面嘅嘢...係一條手繩...而且仲寫住佢嘅名,

「呢條手繩...代表住我...即係你以後無時無刻都要帶住佢!」

「咁...沖涼同番學果陣呢...」

「呢條手繩係防水架,至於番學點算...你自己諗辦法喇要~」

「好啦」

講完呢句嘢之後,我就將條手繩帶咗係我左手度,然後再摸下佢個頭。

「你哋有冇考慮過我嘅感受架」,憶奇生無可戀咁望住我講。





「女呢啲嘢自己搵啦,最多聽日帶你落樓下睇下囉...」(心靈感應)

之後佢就開始係到梳自己啲毛...

跟住之後我同愛盈就痴埋一齊hea到十點幾,

我:「係喎...今日要出文喎...」

跟住我就打開咗部notebook開始打文,

「你做緊咩呀~」

愛盈痴埋嚟問我,





「其實我係一個網絡小說作者。」

「你筆名叫咩呀,等我即刻去做你嘅頭號fans先~」

「黑貓」

「黑...黑貓...你係話果個好出名嘅黑貓?!」

「好出名?應該都唔算掛...」

「咁你仲記唔記得你嘅第一部作品叫咩名」

「中學生存記囉,但係果篇我覺得寫得太差,所以而家已經delete咗喇」

「你果然係果個黑貓!你記唔記得你啲文下面成日都有個人留言架?果個其實就係我呀!」





佢神情驚喜咁樣講。

「估唔到...我一早就識你」

我講完之後淺淺一笑,望住佢清澈明亮嘅雙眼,而佢亦對住我好甜咁笑。

到咗十二點,我總算係打完文,只見愛盈係我隔離就黎訓著。
 
「眼訓就去訓先啦。」

我將右手放係佢頭上,語調溫柔咁講。
 
「嗯…」
 




佢捽一捽眼,然後慢慢咁行返入自己間房。
  
真係可愛…