比佢哋兩個咬完之後,我就乖乖地去咗煮早餐,今日係平安夜....咁不如整豪華少少啦?所以我決定整個日式早餐,煎三條鯖魚,炒兩碗琴晚淨低嘅飯,再倒三杯鮮奶,完美。但係愛盈睇嚟又訓番...所以我又要去叫醒佢多次,今次呢...都係正常少少好啲...

「起身喇公主大人,你嘅早餐已經為你準備好喇,請你盡快去梳洗然後享用你嘅早餐啦。」,我扮到好似一個管家咁。

之後佢就乖乖地咁坐起身然後伸個懶腰捽下隻眼,落咗床之後佢就行埋嚟嘟嘴想比個morning kiss我,但係我用一隻手指隔住佢個嘴,

「刷咗牙先。」,我慢慢咁退後。

佢聽到之後就嘟起塊面然後用個頭磨我個心口,係....我係有少少潔癖...之後我摸下佢個頭然後講,





「乖乖....」

之後佢就真係乖乖地去咗刷牙,而我就去坐好等佢,憶奇就係到食緊條魚,隔咗五分鐘之後,佢就係廁所入面出嚟,一出到嚟就衝埋嚟錫過嚟,一錫就錫咗好耐...直到我就嚟窒息先肯放開...

「今日嘅早餐好似好豐富咁喎~你睇下憶奇食得幾開心~」,愛盈甜笑道。

「瞄~喵呀嗚!」(唔~奴才今日啲嘢整得幾好食,破例俾你摸多我兩秒!)

「因為你條魚係跟網上專整俾貓嘅食譜整。」,我慢慢咁解釋道。





食完早餐之後,我哋就着住同款唔同色嘅情侶裝帶住著比卡超衫嘅憶奇出街,結果落到去之後,憶奇一直都好受矚目,

「隻老鼠好似幾好食咁,不過黃色嘅...好似有毒咁。」,一隻街貓係旁邊經過果陣細細聲咁講。

「喂!黃色老鼠!落嚟隻抽!」,一隻散緊步嘅唐狗對憶奇吠

行咗陣之後我哋就去咗海濱公園入面搵張長櫈坐低咗,但係竟然就係咁巧合,比我哋遇到螢螢,而且佢都拎住個籃,入面仲有隻貓女...

「喂hi!估唔到咁橋係到撞到你哋喎,你哋兩個果然拍緊拖喎!識貨呀希哥!」





「係...係囉,你都好多集無出現過喇喎...」,我有啲尷尬咁講,唔小心又打破咗第四面牆。

「嘩~你地隻貓貓好得意呀~仍仍你同佢做個朋友啦」

原来佢隻貓叫仍仍...

「係喎希希~比憶奇識下朋友仔都好喎~」,愛盈拉一拉我隻手講。

「唔,咁你加油喇憶奇」

之後憶奇就開始主動同仍仍講嘢,

「h..hi,今...今日天...天氣都...唔錯喎...」

之後我望向個天,烏雲密佈...差在未落雨....不過沿路見到啲小動物嘅反應睇嚟今日應該都唔會落雨。





下一集

憶奇篇