《突然有條女同我同居》(冇甜): 16

「係時候要做果樣嘢喇...」

講完呢句嘢之後我就捉咗憶奇過嚟，

「黃愛盈，拎果樣嘢出嚟」

「好呀～嘻嘻～」

之後佢就滿面笑容咁入咗房，



「喂！你哋想點呀！唔係幫我絕育呀嘛？！我仲要用小奇奇架！如果真係要嚟嘅話...起...起碼都要打麻醉呀！！」

之後愛盈就收埋啲嘢係身後然後係房入面慢慢咁行出嚟，

「憶奇～～」

「呀！！！唔好呀！！！我喵你個喵喵死喵喵呀！！」

原來貓係咁樣講粗口。



「你嘅聖誕禮物呀憶奇～」

聽到呢句嘢之後，憶奇嘅心情由谷底彈番上嚟，雙眼發晒光咁望向眼前，而係佢眼前嘅係..

一件比卡超衫，而且仲要係度身訂造㗎...佢呢個時候一句嘢都無講，因為佢諗緊佢應該殺咗佢主人好定自殺算，

「試下佢啦憶奇，最多聽日帶你出去睇下貓囡囡喇，著住呢件衫...」

之後佢就比愛盈笠咗件衫上身，



「呀～好可愛呀～」

之後果一晚佢係碼影咗超過一百幅相....

第二朝......大概七點半我就醒咗....望一望右手...比愛盈壓住...痹到就黎無知覺...而我兩隻腳比憶奇壓住...

所以我拎起部電話,開咗YouTube之後，搵啲鬼叫嘅聲,當我㩒咗個play button 大概十秒之後,一把尖銳嘅女鬼聲響起,佢地即刻嚇到彈咗起身,見到我之後即刻一齊咬落我到,仲要一人一貓各一邊...