帶完憶奇出街之後,我哋好快就返咗屋企。

雖然話就話今日係平安夜,但係我哋都無咩好做,禮物又一早就交換咗,所以呢一刻我哋兩個只需要痴埋一齊就夠,唔駛做啲咩特別嘢。

但係始終都係悶得滯,所以我哋開咗個電視睇,但嗰五個台一早就del咗,所以我哋就開咗某N字頭嘅apps搵下有咩戲睇。

話說憶奇呢....算啦,比佢靜下都好嘅,睇到一半都無,愛盈就訓著咗,仲要搞到我成個膊頭都係佢啲口水...

既然佢都訓著咗,我都唔諗住睇埋落去,因為我對眼前呢套俾小朋友睇嘅卡通片實在一啲興趣都無,我純粹係想陪下愛盈,所以我抱咗佢上張床之後就自己都訓咗。





....又係呢度,我仲有意識....即係發緊夢。

我而家係夢境入面身處嘅係一座籃球場,所有出入口都上鎖咗嘅籃球場。

每次我發夢如果嚟到呢度,而且見咗呢個籃球場之後嘅話,發生嘅嘢,全部都會變成事實,係我最唔鐘意發嘅夢。

今次嘅鎖又唔同咗...竟然係密碼鎖,上面寫住啲提示「你識嘅嘢」

....呢個提示一如既往都係咁廢....我望一望周圍,然後右腳用力一下踢落對門到,對門隨住巨響飛向遠處,非洲象嘅力量真係可怕...但係睇嚟係夢境入面都可以用到超能力。





強行打開咗對門之後,我見到...一道門,呢道門係我哋屋企嘅門...

我慢慢咁樣推開道門,係我眼前嘅...係憶奇同埋愛盈....仲有....一個黑影,但係...佢哋兩個訓咗係地板上面...而地板...充滿咗鮮血...而個黑影...拎住咗一把日本刀...上面刻住咗一啲嘢darkness-即係...黑暗...係呢個時候,我聽到黑影發出發出咗一啲令人討厭嘅奸笑聲...

我忍唔住喇...即時我知道呢度只係夢境,我雙腳用力準備衝過去殺咗佢,佢竟然夠膽...對愛盈出手!

當我想行動嘅時候,我雙腳竟然好似鎖住咗咁郁唔到...

「呀!!!!!!!!!」





我帶住濃厚嘅殺氣全力咁怒吼,然後親眼咁望住...佢係我眼前化成一陣風...消失咗,隨住佢嘅消失,我雙腳都郁得番。

但係我無力咁跪咗係度,我竟然保護唔到愛盈...而且...呢件事係將來一年內...一定會發生....但係今次,就等我嚟破壞呢個規律,我一定要...好好咁...保護愛盈...之後我就眼前一黑....