「老大~」

係凌敬,而凌敬嘅性格,佢主動入老大間房都唔會係為咗正經嘢。

老大以佢快到幾乎無影嘅手速,擺番好佢本漫畫,因為佢知道俾呢個低智商嘅人類見到佢本書嘅話,一定會俾佢煩足成日。

「咩事,快講。」

「無乜嘢嘅,不過我好悶呀,有無啲咩可以俾我做呀。」





「咁你落去同愛麗絲練波。」

「吓.....」

「有意見?」

老大用凌厲嘅眼神望咗一下凌敬,

「無...我都突然之間想打下波啫,哈...哈...」





「咁就好。」

之後凌敬就臉帶不爽咁去咗搵愛麗絲。

「呼...終於搞掂咗最麻煩果兩條友...咦?我頭先擺咗本嘢係邊....」

...

愛盈同瑩瑩就拎咗個蛋糕出嚟,外表同氣味都喺滿分,不過最可惜嘅係我唔食蛋糕。





其實我一直都無講到點解我唔食蛋糕嘅,我之所以咁唔鐘意食蛋糕,甚至可以話係討厭,其實係因為我由細到大腸胃都比較差,導致細個果陣生日嘅時候食完蛋糕嘅第二日都會屙到七彩,搞到我越嚟越唔鐘意呢種食物,大個之後更係戒咗甜品,因為可以保持健康同埋大部份嘅甜品都好難食,所以我就越嚟越討厭食蛋糕喇。


佢哋極速咁消滅咗個蛋糕之後,我哋就做例行公事,雖然我都唔知點解會變咗例行公事,真心話,今次仲有大冒險,之後我阿峰就唔知係邊度拎咗個酒樽返嚟,然後就圍圈坐低咗,阿龍率先轉咗個酒樽,第一個就轉到阿峰。

「大冒險。」