《突然有條女同我同居》(冇甜): 42

「咩黎架？」

愛盈望住我個護身符好奇咁問。

「護身符嚟，我阿媽話係爺爺俾我嘅嘢。」

「嘩～咁有心思嘅，係喎！我都有個驚喜要比你！」

「俾咩我，送你個人俾我？」



佢聽到之後就笑住咁挨落我心口上面。

「番到去你就知...嘻嘻。」

講完之後佢仲要用隻手指係我心口上畫圓，搞到我震咗震。

「有古怪...」

我摸住佢個頭講。



跟住大約十五分鐘之後，我哋就番到屋企，番到去嘅時候都只係九點幾，然後愛盈就懶神秘咁叫我係客廳等佢。

之後佢就慢慢咁係房行出嚟，而且背後仲收埋咗啲嘢。

「你嘅禮物～」

只見佢係身後拎咗件24號Kobe嘅波衫畀我，而且係球員版，質量非常之好。

「你點知我鐘意佢架？」



「我之前見過你半夜睇佢啲精華片呀嘛～」

「嘻...多謝...」

當我諗企起係身錫佢一啖嘅時候，佢竟然無啦啦坐喺我大髀上面，之後仲要用雙手環抱我條頸。

「仲有嘢要俾你...」

我吞一吞口水，盡量保持住理性。

之後佢就拎咗張類似禮物卡嘅嘢展示係我面前，封面係一張我之前打社籃嘅相。

「送埋俾你～打開睇下呀。」

之後我就聽住佢講打開咗呢張嘢，入面有佢偷拍我嘅相同埋一段文字，講嘅嘢大概就係佢愛上我嘅經歷。



「呢張嘢...我要擺喺夾萬。」

我望住佢雙眼，燦笑住咁講。

講起上嚟，我都好耐冇咁笑過。