有一日，我住左入精神病院: 十二、道歉
於是，我就拎埋我個餐盤出左房，去返上次個飯堂。
果然，丁姨又帶住佢個女坐喺上次個位度食飯。我慢慢行過去，但呢次丁姨已經變得好有戒心，即刻埋去攬實佢個女。
雖然都仲係淆淆地底，但見到佢咁護子心切，彷彿佢個女真係一個活生生嘅人類咁，我竟然有啲動容。
「丁姨，你好啊，我無惡意架。上次真係好對唔住，我無心架。希望你...呃...你地可以原諒我。」我戰戰兢兢咁講，希望丁姨唔會又突然變得情緒激動。
死喇，丁姨企起身行埋黎喇，係咪想打我啊？我瞇埋眼雙手護住個頭，郁都唔敢郁。
丁姨行到埋黎，竟然係一把攬住左我。我仲未可以從錯愕中回過神黎，只係又得丁姨一下下咁摸我個頭。
「傻女，我地點會嬲你呢？你啱啱入黎，一定好驚喇係咪？無事喇，無事喇。呢度唔會再有人傷害你。」