有一日，我住左入精神病院: 十四、喪屍

我決定唔再望佢地，靜靜地食完自己嘅飯之後，就急急腳起身走人。 

或者對於喺度嘅人黎講，真唔真假唔假的確唔重要。但我唔係屬於呢度架！對住呢堆陌生嘅人同呢個陌生嘅地方，我越黎越覺得週身唔舒服。我一定，一定要出返去。

我繼續穿過飯堂，走左入一個類似客廳嘅地方。 

啲病人全部都藕藕豆豆咁喺度睇電視同睇報紙，面上一啲表情都無。電視機上面播嘅係好奇怪嘅電影，淨係得旁白把聲。好似係戰爭片。

比起呢啲病人，丁姨佢地好似仲正常啲。呢啲病人就好似喪屍咁，擘大個口得個窿，有啲甚至真係流緊口水。 





呢個地方真係好令人唔舒服。