朝早起身,見到新聞報某世界級鐵路公司又壞車,接住收到公司電話。

「阿俊,依家得唔得閒返?」

「Ok呀,今日無堂上。」

「咁你即刻返嚟廠簽到先。」

「Ok。」



我刷洗乾淨,着返套整齊嘅制服,即刻行返車廠。

由屋企行過去車廠之不過係兩三個字時間,正常嚟講返工前我係會食個早餐先,但今日特殊情況就算啦。

返到廠,肥仔已經喺度等緊我。

講返先,肥仔係負責編排更表嘅大佬嚟。

「咩情況?」



「幫幫手,即刻拎架車過龍門居做P仔出銅鑼灣。」

「Ok。」

行到車廠入面,見到得返幾架車喺度。

有幾架12米8嘅63XX,平時見得多嗰啲。

而廠嘅盡頭竟然泊咗架最新嘅68XX。





有得揀,梗係揀架自己想揸㗎啦。

即刻跳上架68XX,揸去問一問。

「肥仔,哩架O唔OK呀?」

「估到你啦,行啦。」

「唔該曬,走先。」

去到龍門居,見到前面有三架962P,一架962,而排隊嘅人龍打曬蛇餅。

「站長,依家點樣?」



「睇吓先,你落兆山苑載啦。」

「Ok」

我再揸落兆山苑,較好冷氣,八達通機,路線牌,報站機,埋站上客。

「咁耐㗎。」

「等咗成個鐘啦。」

「遲到啦屌。」

有啲乘客喺度屌鬼,師傅教落,無視佢哋就算。



之後嗰幾個站都上咗好多人,企滿曬上公路。

好多人都會襯坐車補眠,所以程車唔會嘈得去邊。

朝頭早就好多車埋港澳碼頭個站,所以有位就比客落。

落咁啲人,架車鬆動返啲。

沿途一路慢慢塞,終於塞到落銅鑼灣。

收到話去藍灣半島換車,我就揸過去。
已有 0 人追稿