《我哋已經到達終點站⋯⋯》: 第二章

去到之後，攞咗就快退役嘅6XX。

「識唔識做606？」站長問。

「Ok呀。」

講真，車就真心虧咗少少，上柴灣道斜路上到懷疑人生。

不過唔緊要啦，有得揸好揸啦，就嚟無得揸。



一路揸到去彩雲總站，抖一陣，又夠鐘返去。

今次就有個婆婆等車。

「哥哥仔，我想問筲箕灣到唔到呀？」

「到呀。」

「唔該你呀，張八達通呢？」



「慢慢啦，唔洗急喎。」

「呀，喺度。」嘟～

「哥哥仔可唔可以提一提我落車呀，婆婆唔係好識路呀。」

「好啦。」

「唔該呀。」



咁今次有老人家喺車，都係揸慢少少好，廢事出咩意外。

過咗上晝繁忙時間，架車唔係太多人，但又未到載空氣嘅。

去到南安里埋站，。

「婆婆，到筲箕灣啦。」

「唔該你呀哥哥仔。」

「慢慢呀。」

婆婆落咗車之後行咗嚟車頭同我揮手。

返到藍灣半島放飯，之後做多轉788同789，準備拎車返屯門。



今次攞返架正常啲嘅23XX去做X962。

喺中環上咗大半車，喺西隧執多幾個，返屯門。

架23XX把聲有啲拆，咁舊車都好正常，冷氣同力水有喺度都算㗎啦，返到總站，落客，熄燈，返廠，收工。