《我哋已經到達終點站⋯⋯》: 第十八章

出到銅鑼灣就夠鐘食飯，快快手泊低架車去食嘢。

「喂，MB呀？」晴姐嗌我。

「係呀，做乜？」

「不如一齊食？我今朝未食嘢。」

「我無所謂呀。」



我哋搭咗兩個站巴士，去希慎個Food court。見到張四人枱，就即刻坐低先。

「係喎，我個妹都嚟喎，你Ok嘛？」

「我無所謂呀。」唔通話唔得咩，係咪咁講先。

喺等緊嘢食嘅途中，我同晴姐喺度傾中學啲嘢，突然身後不遠處傳嚟一把久違又熟悉嘅聲音。

「家姐。」



「捨得嚟啦？」

我望一望眼前嘅女仔，覺得好熟口面。

「兵仔幫我去買嘢食呀。」

叫得出「兵仔」哩個花名嘅人，只有佢一個。

「咁耐無見，一嚟就點我做嘢㗎咩。」



「快啲啦，好肚餓呀。」

「食咩呀？」

「同你一樣呀唔該。」

就係咁，我去咗買嘢比佢食。

過咗無幾耐，我帶住一碗烏冬返去。

「嗱。」

「唔該曬兵仔。」

「原來你就係傳說中嘅『兵仔』。」晴姐望住我講。



「喂，家姐！」

「好，好。」