《我哋已經到達終點站⋯⋯》: 第十九章

「喂，兵仔借份工作紙嚟抄？」

「哦。」

「喂，兵仔幫我斟水呀。」

「哦。」

「喂，兵仔陪我去還書呀？」



「哦。」

「喂⋯⋯」

「仲有咩吩附呢娘娘？」

「今晚有咩做呀？」

「喺屋企瞓覺。」



「即係無嘢做啦，咁今晚同我出街啦。」

「吓？」

「就咁話啦，放學一齊走啦。」

哩條女真係癡撚線，擺到明公主癌末期㗎喎，比着其他男仔一定睬佢都有味。

「喂、喂。」



「唔好阻我瞓覺。」

「學校鎖門啦，仲瞓。」

「⋯⋯」

「喂。」

「⋯⋯」

「衰人！」接下落嚟我個腦受到重擊。

「屌，點撚樣呀？」

「快啲執嘢走啦。」



我心諗做乜鳩咁趕？鎖門咪鎖門囉，我有密碼㗎嘛。

執好書包，雖然個書包一直都係吉嘅，就同佢一齊走。

「喂，阿媽我今晚同同學食飯呀。」

「哦，去囉去囉。」

我同佢搭輕鐵出屯門市中心，搭車嗰陣佢又聊我傾計。

「喂。」

「做乜？」



「不如聖誕節交換禮物呀？」

「吓，真心咩？」

「係㗎。」

「你話點就點啦。」

「嗱，你話㗎，唔好唔記得呀。」

「得啦。」