《我哋已經到達終點站⋯⋯》: 第二十六章

成晚我就坐喺側邊，一方面方便睇住娘娘，以免佢會飲醉酒會有咩意外，另一方面佢所講我中學畢業之後嘅行為又令我感到煩惱？定係後悔？我都唔知。

。

「得唔得閒呀？」

「唔得閒。」

。



「一齊食糖水。」

「唔想落街。」

。

「你有心避開我？」

今次我無覆到，過多一陣就收到下一個訊息。



「好喇，我明啦。」

。

。

。

「喂，喂。」



嗯？好似有人嗌緊我？

「你壓住咗我隻腳呀。」

「Sor，我唔係有心。」一張開眼我先知我扒住咗娘娘隻腳，話雖係隔住張被。

「你尋晚一直留喺度？」

我唔係全晚留喺度嘅話你瞓醒點會見到我呀⋯⋯

「嗯。」我向住佢點頭。

就係咁靜咗兩秒，再由我再次打開話題。

「身體無事嘛？有冇邊度唔舒服呀？」



「有少少頭痛咁啦。」楚楚可憐嘅容貌令我更加憎恨以前嘅自己⋯⋯

「有冇水呀？我幫你斟水啦。」話未完我已經行咗出去斟水。

拎住杯水行返入房，娘娘依舊坐喺床上面發呆。

「仲係好辛苦？」

「少少啦。」

「咁你飲啖水再瞓過啦。」

「咁你⋯⋯？」



「放心啦，我喺你側邊㗎喇。」

「嗯。」

講完就幫佢冚返張被，等佢休息下。