《我哋已經到達終點站⋯⋯》: 第三十七章

正當我返緊屋企嗰陣，我收到娘娘嘅電話。 

「喂～」 

「喂，有事搵我？」

「想聽下你把聲呀～」 

「哦～」 



「做緊咩呀？」 

「啱啱食完嘢，依家返緊屋企。」 

「吓～我仲想搵你食嘢⋯」 

「咁一齊食晚飯囉。」 

「好啦。」 



返到屋企，乜嘢都唔理，即刻攤落床瞓，話曬今朝三點幾起咗身。 

。 

「喂！喂！」 邊個咁嘈呀？ 

「唔？你喺度嘅？」 

「你呀，無閂實大門呀，一陣有賊仔點算呀？」 



「我間屋都無嘢值錢㗎啦，哈～」 

「哼，仲學人講笑！」 

「Sorry呀，行啦去食飯啦。」 

「仲食飯？宵夜都嚟啦。」 

「吓，依家幾點呀？」 

「十一點囉。」 乜我一瞓就瞓咗咁耐，睇嚟平時真係太攰啦。 

「咁你食咗嘢未呀？」 

咕～咕～ 



「我煮嘢畀你食啦。」 

「嗯。」 

瞓醒果然精神咗好多，即刻煮兩碗麵，煎兩隻蛋做宵夜。 

「係喎，做咩上咗嚟嘅？」 

「仲好講，約咗人食飯又唔聽電話，我以為你出咗咩事呀！」 

「哈⋯哈⋯」我只好苦笑兩聲。 

「上到嚟見到無鎖門，幾驚有賊仔入咗嚟呀！」 



「Sorry Sorry，我太攰啦。」 

「下次眼瞓都要鎖門呀。」 

「係嘅，係嘅。」 

食完嘢都已經十二點，所以問下娘娘睇下佢想留低定返屋企。 

「我可以留低呀？」娘娘雙眼發光咁講。 

「Why Not？」我笑住講。 

「但係⋯⋯」 

「唔想嘅話我都可以送你返屋企㗎喎。」 



「唔係呀，唔係呀，你⋯你⋯」 

「吓？」 

「你可唔可以借衫畀我着呀！？」 

「哦～咁喳嘛，你喺衣櫃搵下啱身嘅衫啦。」 

「好呀。」 

喺娘娘沖緊涼嗰陣，我即刻開PS4打Rainbow 6。 唔知娘娘揀咗件咩衫呢？ 。 打打下聽到閂咗水，好快就會知。 咔。 門打開嘅時候，我本能反應咁望咗過去⋯⋯ 

「靚⋯唔靚⋯呀？」 娘娘放返亞麻色嘅長髮落嚟，露出白皙肌膚，不得不佩服少女嘅皮膚質素，上半身則着住我嘅白恤衫，下半身無任何阻礙遮擋住幼而白的長腿，總括而言，簡直係能夠輕易俘虜所有男性。 



「靚，好撚靚！」 

「嘿嘿，唔準講粗口呀。」 

「但真係好撚正呀～」 

「嘿嘿，幫我吹頭呀～」 

「係！」

 哈，中學嗰陣都唔覺娘娘係咁正添～～ 幫娘娘吹頭嗰陣，隱約聞到淡淡嘅洗頭水香味，其他男人應該忍唔住直接抱咗佢入房。 

「呀～好暖呀～」 

「還可以嘛？」 

「嗯，嗯。」 

「咁就好。」 

老實講，其實平時我洗完頭都亂咁吹就算，不竟短頭髮好快乾，但我都係第一次幫女仔吹頭，估唔到難道系數高好多，好似吹到我手斷都未乾咁。 

「搞掂。」 

「唔該曬～」 

「攰就瞓先啦。」 

「咁你呢？」 

「我都未沖涼。」 

「嘿嘿，咁我等埋你啦。」 

「是但你啦。」 講完我就去咗沖涼，順便諗下嚟緊份論文報告要點打好。沖完涼出嚟見到娘娘喺度打喊露，就嚟瞓着咁款。 

「好夜啦。快啲瞓啦。」 

「我要等埋你嘛～」 

「係啦係啦，刷牙瞓啦。」 

「嗯。」 我哋兩個並排企喺洗手盤嘅鏡前刷牙，令我感到莫名嘅溫馨氣氛，仿佛兩口子嘅生活。 但身邊嗰個係咪真係我鍾意嘅人？ 我都答你唔到⋯⋯ 

「諗咩諗到入曬神呀？」 

「無，諗緊啲無聊嘢啫。」 

「哦。」 

刷完牙，正當我想行去梳化嗰陣，娘娘扯咗扯我衫袖。 

「喂⋯」 

「唔？」 

「不⋯不如⋯」 

「咩？」 

「⋯你⋯你入埋嚟陪⋯陪我呀⋯」 你都開到聲，我都無得Say No㗎啦。 

「哦⋯哦⋯」仆街，我都口窒添。 一張單人床勉勉強強都可以瞓兩個人嘅應該。 

「咁我熄燈㗎啦。」 

「嗯。」娘娘點點頭。 

「早抖。」 

「早抖。」

 連床頭燈都熄埋，房入面漆黑一片，伸手不見五指，喺一瞬間，無啦啦有啲軟腍腍嘅嘢輕輕掂咗我嘴唇一下，不過唔好諗咁多，瞓覺把啦。 不過頭先瞓咗咁耐，加上仲要阿叔生平第一次同女仔瞓埋同一張床，點瞓得着呀。 勉勉強強瞓咗個零兩個鐘就起咗身，諗住去書房睇下書，寫下嚟緊要交嘅論文，但又驚整醒娘娘，甚至佢起身唔見我，以為我嫌棄佢嘅話我咪仆街。 

唉，所以都係算啦，照攤住喺床到算。