《War for God》: Ch.1

　這天，是長沙灣基道教會的聖誕聚餐日，許多長沙灣的街坊都來到教會裡參與這一年一度的福音聚餐。

　「哈囉！梁伯你都嚟咗啊？」 　

　「喂！咁啱嘅唐師奶！」 　

　「係啊，我睇到常議員嘅宣傳，所以咪知今日教會今日有聖誕party囉！」

　「緊係啦！有免費嘢食，仲要係常議員請嘅添！請可以唔俾面啊？」 　

　「不過講起常議員呢，佢真係好好人㗎！全靠佢幫我個仔出頭，先告得入嗰班恰我個仔嘅衰人咋！」 　

　「點止啊，常議員仲幫我哋嗰座舊樓翻新一次，等我哋呢啲老人家有𨋢搭，唔駛再撐樓梯咁辛苦！唔似得嗰班黑衫『曱甴』，除咗識得掟磚、掟汽油彈之外仲識得啲咩姐！？把口就講『光復香港』！但現實呢？咪就係喺度破壞香港！」

　「係囉！佢哋點會似得常議員佢咁用心出力咁服務我哋呢啲小市民啊！」 

　「喂，睇吓！常議員到咗喇！」 　

　一名身穿著白色西裝外套、西褲，黑色恤衫、打著紅色領帶的男子走進教會－他有著一個高高的鼻樑以及深深的輪廓，一看就知道不是一位亞洲人。

　「各位長沙灣嘅街坊大家好！今日盡情食！唔駛客氣！」
　
　「阿義！」一對年輕、打扮新潮的夫婦走向為義。

　「林牧師、林師母！」 　為義跑到二人的面前。

　「估唔到今次班年輕人一個都無嚟到....」林師母臉帶愁容。

　「哦，可能佢哋有其他節目呢！你哋知㗎啦，時下啲年輕人一到長假期就互相約晒出嚟玩、周圍飲飲食食。」

　「但佢哋每年嘅聖誕聚餐都一定會出現，今次真係有啲唔對路....」林牧師皺起眉頭，摸著下巴。

　此時，一班身穿黑色衫褲、戴著口罩的年輕男女由街口走到教會的大門前，他們雙手舉著寫有「偽善中立者」、「你不代表年輕人」的標語牌，口裡一致地高聲喊著：「常狗可恥！埋沒良心！」

　教會內的人紛紛停止進食，來到教會的大門前與示威者們對峙。

　「走啦！呢度唔歡迎你哋啊！」

　「咪阻住我哋開餐啦！」

　越來越多的街坊指罵示威者們，而示威者們亦與街坊展開對罵。

　「等我嚟！」為義跑到雙方的中間。

　為義嘻皮笑臉地說：「唔係唔俾面我哋大佬穌哥啊嘛？搞寸佢一年一度嘅生日會！？」

　示威者裡有其中一個人走到為義面前，怒吼著說：「你叫佢跳落嚟啊笨！」

　「既然係都要玩啊嘛，好，我就姑且陪你一陣。」 　說罷，為義從褲袋裡拿出手提電話操作一番。

　「報警啊撚樣！」

　「唔報正契弟！」

　為義把電話收起後，望向街口說：「Hello！Every we have a trouble！They don't like my lord Jesus.They want to destory our Christmas party！So what can i do！？」

　「你噏乜英文啊常狗！」

　「我有話過噏俾你哋聽咩？」





　此時，有一位身穿黃色反光衣、胸前帶記者證的印度裔的少年提著攝錄機，由街口緩緩步向教會。

　「嗱，宜家就直播緊嘅，如果你哋覺得搞串我哋大佬個生日party係會對你哋國際戰線有幫助嘅話咪繼續囉！」為義擺出一副輕挑嘅嘴臉。

　示威者們沉默片刻，然後逐漸散去。

　當人群散去後，為義對身後的人高聲喊道：「各位可以繼續食嘢喇！」

　「嚇死我啊真係....」為義替阿星拿著攝錄機，啊星便脫下反光衣以及記者證。

　「一齊嚟食嘢啦，你都企咗成個朝頭早喇。」

　「嗱，我俾面大佬你咋！你知我哋啲穆斯林㗎啦！」

　「得啦、得啦！知你俾面喇！」為義拍著阿星的肩膀，與他一起走進教會。

　聚餐結束後，為義和阿星向林牧師夫婦道別後，便離開教會。

　「大佬，」阿星在為義的耳邊輕聲地說：「班友點解會走嚟搞鳩你嘅？」

　「選舉近了，想踢我出局加落我面啊嘛。」

　「屌，真係無鳩聊！」 　

　「因為佢哋只係想推翻政權，而我，係想改變成個香港....呢一個腐敗同扭曲嘅垃圾城市！唔by佢哋嗰套嘅自然就變成佢咃嘅敵人㗎喇....」 　

　此時，突然有一名中年男人走向為義二人。 　

　「常議員！你個辦事處出咗事喇！」 　

　為義二人馬上跟著那男人來為義的議員辦事處－阿星走近那道已經被淋上紅色油漆的大門，口裡中暗暗罵了一句：「What the fuck....」 　

　在大門旁邊的壁報板亦被人用黑色噴漆噴上「常狗落地獄」、「偽中立者死」等字句，而在大門上那印有為義肖像的宣傳橫額亦被塗鴉和剪爛。

　「好在我喺道門上落咗重本姐....」為義走近大門，將自己雙眼靠近門鎖。 　

　「Welcome to back.」

　門就開了。 

　為義走進門後，第一件事就是打開燈。 　

　「大佬，點算啊？」 　

　為義沉思一會，說：「叫晒大家過嚟。」


待續