上咗船之後,我發覺佢就坐係我斜後面,咁我冇理由無啦啦去同佢打招呼㗎,更何況佢同隔離啲女仔傾得好開心,我先唔會咁戇居,橫掂有啲攰等我恰陣先。 

“喂!你做乜喺度唔郁啊,快啲行啦,佢捉住我的手,係咁向前跑.....”

 我突然之間扎醒左,醒在冇幾耐就聽到個領隊叫我地落船,我唯有死死地氣走落船。 行到一半我又再一次見到佢,佢就好似神仙下凡咁有光環喺佢身邊,當我仲企喺到望住佢行既方向回味緊既同時,有人拍我膊頭。 

「同學,你快啲行啦,如果唔係就趕唔切上車架啦。」 

唉,又係個領隊,話事話我都唔知佢叫咩名 



「啊...領隊...其實呢...你叫咩名啊?」 佢笑住同我講:「頭先你係船到冇聽架咩?」佢好疑惑咁望住我 我即刻陪笑道:「唔...唔係,我頭先係船到訓着咗,所以...」 「哦,我叫Tiffany啊,你有咩問題都可以搵我架。」講完之後佢就跟大隊上返去,我都急急腳跑返上去,行咗冇幾耐就到咗巴士站「名位E組既同學,我地上咗車之後要塔兩個鐘頭,所以要去廁所既就快啲去啦」 

我都廢事理佢,嗱嗱聲上車霸返個靚位,我坐咗係車既尾二嗰行,望住下面啲細路走來走去,突然之間又見到佢,佢真係一個好特別既存在,望住佢就好似佢身邊既人都模糊不清咁,我隻眼離唔佢既身影,冇幾耐佢就上咗車,可惜天意弄人個麻煩領隊又走過嚟,我都費事理佢我都係訓陣先。 

“你叫咩名呀?做咩唔話比我知姐?你唔講我唔理你架.....” 

又唔知發埋啲咩夢,時間啱啱好一訓醒就到咗間學校,到咗之後個領隊將我分咗去間房,一入到去真係比間野嚇親,成個垃圾場咁搞到我唔小心彈咗句粗口 「嘩屌!我比錢來住垃圾場架咩?」 我一講完冇耐後面就有人講咗句 「睇嚟今次都有排捱啦,早知就留返係香港啦。」 

我擰轉身見到個好似同我差唔多大既男仔 

「Hello,我叫洪天傲啊,你係?」 



「我叫林嘉晞,你可以叫我阿晞,我諗我地應該係同房。」 

說時遲 那時快又多咗個人走咗入嚟 「喂,Hello 我係黃家樂,你可以叫我 Alan,我隔離呢位仁兄叫李得仁,係我既老死你地叫佢仁仔得啦,佢份人係咁怕醜架啦。」

 就係樣我地四個人係間房到傾左半個鐘左右,無幾耐就有人係門口叫我地去食飯,我地四個打橫一排行過去食飯,有一刻我以爲我地真係拍緊古惑仔,一行到入去我地幾個自我感覺良好,霸住成張枱等開餐,到我地攞食既時候我一轉身又見到佢,佢著住件背心加短褲,帶住頂CAP 帽,真係好靚如果可以我幾想時間永遠停留係呢刻,就當我仲企喺度幻想緊既時侯,阿晞個衰仔走過嚟拍一拍我 「天傲,仲咩唔郁啊?到你攞飯啦,快手啲啦!」佢用一個望住白癡仔既眼神望住我,搞到我有啲尷尬。 「我...我咩啊,到我啦咩?我依家咪去攞囉。」費事佢又懷疑我唔知係到望咩,我拿拿聲攞完就返咗埋位食飯。 

已有 0 人追稿