今日一放學出到門口就收到一個WhatsApp,原來係我嘅機友Jason嘅來電(我有點驚訝),Jason佢應該未放學加上一向都遲放嘅佢竟然可以咁早WhatsApp我,不過算啦呢一點唔重要,重要嘅係佢話要介紹人我識

03:55 陣間你打唔打機?我覺得差唔多要介紹個人你識~
03:55 吓?邊個黎架(。ì _ í。)

03:56 陣間你打咪知囉~

03:56 車~喺度屌人癮

03:58 咁你嚟唔嚟啊





03:59 梗係黎啦唔使咁惡喎!擴大下個圈子都好

04:00 咁得啦就整間見啦

04:00 好的(*^o^*)

雖然Jason個人神神化化有時候仲鳩鳩地,又臭串但我一啲都唔討厭,因為佢對朋友好又有義氣,可以話係一個唔差嘅男仔,雖然佢唔算靚仔,但係喺宅宅世界裏面佢應該算係靚仔嗰個,加上又陽光會照顧人,喺學校都有幾多小師妹做佢小粉絲,好彩~如果唔係同佢識得耐我都好可能做咗佢嘅小粉絲。

返到屋企之後我就冇沖涼咁去開電腦睇吓動漫,事關今日太凍個人又唔太想郁,所以就夜晚先去啦,Jason佢哋又未返到,咁我只可以上網睇吓動漫,等時間過~今日比較特別我竟然會去睇一啲熱血打架嘅動漫(黑色五葉草)就發現原來都幾好睇,仲要有一啲喜劇嘅成份,睇左一兩集。Jason就用Garena嚟搵我,仲要用震動功能去叫我嚇到我成個人彈起左(嚇死人咩個心離一離啊!),我入到去嘅時候得我同佢,我即刻二話不說咁問候佢&@[email protected]





‘’得啦我驚左你啦下次直接打字啦,sor9T_T。‘’呢條友原來都會驚,鬧完佢個人都精神晒不過算啦都識咗佢咁耐,所以我之後都冇再講啲咩,仲嘗試講返正題“打返場先?定係要等埋你個朋友仔?”

佢個反應好似觸電咁樣?!“屌~係喎唔記得咗添”我都估唔到原來佢咁蠢健忘得太犀利,都唔知佢係假癡定真係白癡(ー ー;),所以我就直接用冷淡嘅語氣去答“哦係呀咁你而家想點呀”,跟住佢有一陣唔出聲,都唔知係咪我太惡嚇走咗佢,原來佢係去打咗電話。

突然間有條友入咗嚟,個名仲寫住彼得(peter),即刻嚇到我粒聲都唔出,因為我好怕生一有啲唔識嘅人我都唔知點講交流好。

好彩Jason喺度,幫我地破冰如果唔係可能都好大機會繼續冷場,話就話Jason係宅男但其實佢係一個交際大師。“彼得!呢個就係我所講介紹你識嘅女仔~”呢一刻我心諗‘屌啊~使唔使咁直接啊’

‘’你好啊我叫彼得啊‘’佢開口講嘢,我嚇到好似小鹿撞馬咁佢把聲太有磁性有一種温柔小哥哥嘅感覺,為咗唔好唔好意思我都開口介紹自己“我叫啊欣啊~Jason有同我提過你”





我介紹完自己之後,佢竟然冇任何回應全場一片安靜⋯⋯⋯⋯Jason即刻開口話“依家要唔要打返場?”,呢個Jason嗰陣時我真係會懷疑佢係救贖定係災星。跟住我一開口答“好”嘅時候,竟然有一巴聲音同我重疊咗一齊答“好”,呢個時候Jason講咗句“咁就開啦兩個喺度怕怕臭臭做咩啫”

我一打開個LOL(英雄聯盟)就收到「路過嘅幪面超人」嘅邀請佢係Jason,入咗之後有條友入咗嚟叫「彼得好得」,一睇都知呢個就係彼得。

之後我哋就開咗場黎打⋯⋯
已有 0 人追稿