第三章:終於相見?


一入到場我馬上咁揀咗隻sup嘅角色,事關我唔太鍾意直接同敵人硬碰硬,雖然反應係快但我都係成日輸比人,只要一用其他角色我就必定輸,不過都冇阻我唔打機嘅熱誠,相反Jason,peter 嘅打法就同我唔同,佢哋都係一啲正面攻擊啲奇怪生物,有打過LOL嘅都知下路係有ad同sup,令我意想不到嘅係peter竟然走下路(o^^o),仆街啦同佢唔熟仲走埋一齊,呢一瞬間有一滴冷汗從我額頭流下,明明今日咁凍我都可以出汗?!我不停係內心去安慰自己,“冇事嘅唔熟啫可能配合得好好呢(ー ー;)”手頭上明明又係一個我精通瞌埋眼都識用嘅角色,但唔知點解呢一瞬間好似好陌生。


打到一半嘅時候我開始放鬆咗個人,配合方面又開始順暢,漸漸我地嘅交流都開始正常。


玩多一兩場之後,我就冇再打啦朝早又返完學,沖涼嗰啲又麻煩嗱嗱臨搞掂完,我就二話不説咁跳返去自己張床到去感受一下地球嘅地心吸力,大惱同身體都好似唔再屬於自己咁嘆下嘆下就咁就瞓咗覺。




直到朝頭早6點就起咗身,事關學校唔係係自己區每次返學都要行好遠,所以就好早起身,真係好羨慕Jason學校就係屋企附近,唔知係咪要行明明藍田同油塘只係一個區,但比我嘅感覺每次返學都好似出埃及記咁。


一去到學校門口,忽然覺得個頭有一股壓力壓着我全身,跟住有一把熟悉嘅聲音係我耳邊走入,頂你個肺啊原來係Jason,我都估到係得佢咁屎忽鬼會整我(ーー;),呢一刻如果唔係喺學校我好大機會已經問候緊佢,不過~我都係一個識睇場合嘅人,所以我都冇去問候佢。


上到班房老師開始收功課啦,不過對我黎講功課都只係填充題同問答題,基本上空餘時間我都做晒所以根本唔成問題^ω^,相反測驗就唔同每次要測嘅時候腦袋都好自然咁想起歌曲或者動漫(簡單啲講就係一腦就會飛走)。想完堂一打鐘就小息,Jason已經過嚟我班房門口話要搵我落小食部,佢話要陪佢去食佢嘅早餐,其實我都唔係好明住咁近點解食唔到早餐(ー ー;)。




我喺個位度行出去門口,就見到Jason後面有一個男人佢好高好瘦,仲佢背影睇我思考左一陣,因為喺學校我冇乜點樣留意人所以覺得對佢好冇印象,我目測佢應該有178左右相比我簡直係高牆與雞蛋,我都未問Jason後面嘅男人係邊個,佢已經好興奮咁樣同我講佢背後嘅男人原來就係琴日一齊打機嘅彼得。


彼得一擰轉面望過嚟我度,我哋雙眼對望,嘩頂!又幾靚仔喎!


佢有好靚嘅雙眼皮,憂鬱又冇神嘅眼,塊面好瘦輪廓都好明顯咁出咗嚟,“ hello你好呀啊欣?”把聲雖然低沉但係好有磁性,佢一叫我個名嗰一下我全身都打緊冷震,仲有少少起雞皮添,着住件冷衫都感覺到啲風吹入去我皮膚裏面。




呢個時候Jason問我“想食啲咩啊今日我請客,唔好同我客氣呀~(。ì _ í。)”,佢問完我我仲呆咗係度事關我將所有專注力集中晒係彼得到,彼得呢個時候用佢嘅右手係我眼前輕輕咁擺動“啊欣~你唔夠瞓啦?”當我回神嘅時候彼得手上淡淡的花花味就唔見咗,“啊⋯⋯唔好意思可能琴晚瞓得唔係太好⁄(⁄ ⁄ ⁄ω⁄ ⁄ ⁄)⁄”我用左少少扮可愛嘅聲音去講,呢個時候Jason用十分之詭異嘅眼神望住我,我二話不說就一個拳頭打落Jason度仲用少少嬲嘅語氣講“呵⋯⋯仲望唔落去食嘢啦?”呢個時候Jason握住自己手臂“傻啦~等你咋喎”落樓梯嘅時候我不時都會偷望彼得。


去到小食部我隨手咁攞咗個炸雞撈面同肥仔快樂水,平時都淨係喺小食部買芝士三文治,因為炸雞撈面可以買到3罐肥仔快樂水同2個芝士三文治,所以我平時都冇機會買到炸雞撈面,買完之後我哋去到飯堂度食,簡單食完之後就返上去上堂。


放學嘅時候我收到一個massage 我仲以為係 Jason 又揾我,點知係彼得(明明我冇俾電話號碼)“今晚打唔打機?Jason佢唔得閒呀~你陪我吖( ̀⌄ ́)”原來係要揾人陪,但係點解要揾我呢算啦反正我都冇嘢做就陪吓佢加深認識吓。


我哋開始維持咗呢個聯繫嘅模式⋯⋯
已有 0 人追稿