看到紀明以男主人的身份從餐廳內步出，雖然明知他對我有所隱瞞，但不知為何我仍然有心花怒放的感覺。由於內心一時間百感交集，眼淚奪眶而出。
「從來未見過妳喊，原來係咁靚。」話畢後，紀明立即上前捉緊我的手，然後帶領我走到餐桌前，那是一張長長的餐桌，兩旁總共坐了廿人，有份出席的所有女同學逐一跟我擁抱，此時酒吧的樂隊正演奏著動人的情歌，加上室外燃點起多盞石油氣暖燈，令現場氣氛高漲。對於一班姊妹們的悉心安排，我實在感到有點慚愧，因除了參加過話劇社的同學之外，我幾乎無法認出其餘同桌的人。
"You know…….your boyfriend rang me up today and then planned for these within half a day! He's more than wonderful.” Jessica一臉正經地道，隨即向我呈送小禮物，說是一班姊妹的心意。紀明點了一些餐酒，我們邊吃邊飲，享受了一個愉快的晚上。
席間中途，我去了一趟洗手間，在前往洗手間的路上剛巧被其中一個參加過話劇社的姊妹叫住，她名叫娉婷，亦是從香港前來讀書的。
「Rachael，妳要小心Gabriel，佢呃過好多女仔，我唔忍心妳俾佢呃。」娉婷唐突的說話令我感到極為意外。
「妳係專登嚟通知我？點解........」我看著她，一時之間竟不知怎樣去表達自己。
「佢喺識妳之前呃過另一個女仔，搞到個女仔有咗，個女仔妳都識得嘅。」
「唔好意思，妳係指.......」我不想說下去，怕聽到余泳心的名字。
「余泳心。」娉婷的說話令我感到晴天霹靂。「我本來唔想講，但實在忍唔住，自從我懷疑Monica有咗之後，有日佢突然被一個本地流氓騷擾，冇幾耐就傳出佢同人玩one night stand被人搞大個肚，最後佢同Gabriel分手，之後所有人四圍都搵佢唔到，我驚佢會做傻事。」
我們之間的談話被突然出現的紀明截斷。娉婷好像為自己的說話感到後悔，馬上回去自己的座位。
Party結束後，我跟紀明離開返回酒店，在車上，紀明不斷問我連日來的活動，我卻不發一言。雖然與他一起坐在車的前座，但彼此之間的距離好像隔開很遠，就像中間多了一個余泳心的樣子。
「其實Monica患有情緒病，佢有妄想症，要經常搵刺激嚟麻醉自己，佢失蹤前就試過因為一D小事成日同妳嘈，我因為幫妳，最後都被佢中傷詆毀，估唔到佢因為咁樣而走上絕路，真係好可惜。」經過一段長時間的沉默後，紀明突然開口說。
「對唔住，都係我唔好，錯怪咗你。」我捉緊紀明的胳膊，雙眼忍不住淚水。
回到酒店，紀明隨即跟我同房，為免父母們擔心，我計劃縮短在洛衫磯的行程，早日與他回港，然而他跟我約好兩天後到天文台一帶郊遊，並說會為我帶來驚喜，思前想後，我最終亦應承。
就在翌日的黃昏時分，我的手機響起，剛巧紀明外出，來電者原來是傅探員。
「喂Rachael？」
「我係。妳係Winnie？」
「案件有新進展，請問妳跟Gabriel，亦即係簡紀明熟唔熟？」
「佢係我男友。咩事？」
「我哋查到Gabriel最近同死者，亦即係綁匪有過多次電話聯絡，而最令我哋覺得離奇嘅係，Gabriel曾經透過銀行賬戶，俾過綁匪一筆錢。」
「冇可能，點解要係咁.........」我的腦海此刻一片空白。
「Rachael，我知最近Gabriel已從香港入境美國，我想請妳幫我哋一個忙。」