811公里: 9

之後去食飯果陣Michelle 就攞左一碗湯麵比佢食

當然廢事比人睇到佢就黎左幹事果枱食

不過好在全程都有Michelle 同佢傾計

我見佢都有笑番個心都叫做定番d

佢果笑樣真係好好睇





雖然我就唔追韓星既

但係有一次入心仔間房有見到佢睇緊好叫叫IU既歌手

笑起上黎都真係好似

食完飯之後就係營火晚會

當然作為總召既我就負責點完營火





之後就睇住班大一跳第一支舞

（不得不說首歌難聽 舞又白痴）

當然詩欣隻腳傷左就無得跳

佢就坐左係我隔離睇佢地跳

詩欣：你咁得閒咩 總召咁無野做架





我：係呀 點個營火炸 跟著都係睇佢地玩

詩欣：咁你唔落去玩 我見Michelle 都有落去玩喎

我：佢好outgoing 不過佢好識拿捏好分寸 所以我都好開

心佢去玩 至於我自己由完全相反 係一個極內向既人

有時都係Michelle 拉我出去我先會出去玩

詩欣：咁你有時就佢咪好辛苦？

我：係架 不過Michelle 佢都知道有時真係唔太鐘意長時

間係外面 有時都會就下我係屋值hea下就算 其實心仔都





同我一樣 只不過佢係更內向姐 不過佢就有部相機陪佢

囉不過有時諗諗下都好奇怪 兩個咁內向既人都傾到計

最後仲做埋室友Tim

詩欣：睇黎Michelle 真係好細心 同埋你同心仔既配搭好正呀

我：係呢 咁你都有一兩個best friend 吧

詩欣：有呀 同我同系個Natalie 囉 我發現我地兩個都係一擔擔咁 一齊就岩岩好

我：咁就死得啦 兩個傻傻地一齊 會唔會攪到好大獲既野出嚟架 哈哈





詩欣：喂 咁講野架

我：Sor 囉 不過搵到一個鐘意既人同埋一個有默契既朋友實在唔太容易

心仔都算係咁架啦 佢好識了解人 係都

朋友方面佢就做得好好 至於愛情佢就.... 你了解多d佢就得架啦

詩欣：好呀 應該同佢熟左就會好好多

我：應該係囉

傾完既時候營火晚會就差唔多完

咁我就叫番Michelle 過黎幫我手扶佢番去





唔係我一個人扶唔到 而係廢事比人誤會姐

老實講 我頭先有偷望左一眼佢既傾面

真係好靚