811公里: 10

咁見到班Year1 番曬入房之後

就輪到我地班幹事開會

傾番今日既情況同埋準備聽日既野

咁當然之後就各有各忙啦

而我都差唔多傾到點幾兩點先休息





當然平時練開遲訓早起我就無咩問題

反而我見心仔就一早整好個ppt就訓左

唉 佢就好啦 唔駛做太多野

好 第二日 咁我同班幹事又去叫醒班Year1

順便去睇下詩欣點樣





你話我借d依都係咁講

點都要關心下人既

正當我行緊去佢間房既時間

我黎遠就見到佢企左房門

咁就當然即刻行上前問下佢好d未啦





我：咁早起身既 d女仔正常唔係都唔訓到最後一刻先醒架咩？

詩欣：咁我貪靚 想早少少起身去化個妝 同埋早起唔駛

同人爭廁所用 不知幾好

我：好難得有d咁既女仔 Michelle就係果種一定訓到最

後一刻先醒果堆人 係呢隻腳好番d未？

詩欣：好左好多啦 不過感覺仲未話比可以好順咁行

我估今日既大地遊戲都未必玩到 我同黑仔講左 佢話無

咩所謂喎 叫我好好休息





我：咁我叫Michelle幫你安排休息既地方 使唔使我扶你

去食早餐？

詩欣：唔駛啦 有Natalie 陪我就得啦

我：咁你食完早餐就搵Michelle啦

詩欣：好呀 你好忙啦 我ok架啦

我：ok

佢笑住咁同我講拜拜個樣真係....





之後我就去左食早餐果邊睇下準備好未

我仲要應酬埋班指導老師

不過佢地已經算好好架啦

比好多自由我地去攪 平時都好少插手

點解我咁講 因為我知道有d老師好鬼煩

成日講一大堆野 呢樣唔得果樣唔得咁

都大學啦 仲咁多野講 真係

唉.... 開始食早餐 好鬼死肚餓 尋晚都係咁傾野都無食消





夜 派果個杯面鬼都無食到

係我食緊早餐既同時咁都同老師講番下尋日既情況

當然老師都有關心詩欣既情況 咁我都話無咩野

然後老師就話叫我出Camp之後帶佢去睇醫生

咁我當然話ok啦 又多個機會可以接觸佢

最後老師都比左信心既一票我

咁其實Day2 就無咩特別 都係玩下大地遊戲





然後睇下佢地表演咁

最後一個寫龜背既環節就係分番各個同學會

互相傾下計咁樣 最後有咩想同人地講就寫係人地個龜背到

咁多數一d重要既人就成個龜背到會寫滿 我當然都唔例外

而我都有幫好多人寫

下 你問我有冇寫係詩欣個龜背上面？

當然有啦 佢都有寫番係我個龜背上面

我見係詩欣龜背上面大多都係安慰佢既說話

大概係因為唔想佢太自責掛

而最後影左一張大合照 迎新宿營就結束了

我一上到旅遊巴 我就直接訓到落車

當然啦 攰到死咁

咁一番到去我就同Michelle講話老師叫我帶詩欣去睇醫生

咁佢都知道咩情況 就都放我去陪佢去睇醫生

有咁善解人意既女朋友真係好幸福

只可惜唔係事事都盡如人意....