811公里: 11

帶完睇完醫生 咁就送佢番去啦

到宿舍果陣就同左住宿組果邊既人講左 咁佢地都比我上去

但係要著住一件螢光既背心上去

詩欣一見到係咁係到笑

我：笑咩啫 著呢件野有咁好笑咩





詩欣：咁樣全世界都知你入左宿舍

我：其實佢地就係想咁 如果唔係有男仔隨便入到女宿就麻煩

詩欣：都係.... 11樓吖 唔該

我：ok

如是者上到11樓 出門轉個彎見到一條長長既走廊





同男宿唔同既係 男宿係得一邊 而女宿係出lift 係中間

向兩邊延伸 呢個時候詩欣講左句

詩欣：Sor呀 我住尾房呀😂😂 麻煩你啦

我：唔緊要 都送到你黎呢到都唔差果少少

行緊去佢間房果陣我見同層有d女仔望著我





望到我個人勁尷尬

到佢房門口既時候我有心理準備因為聽人講女宿會勁亂

點知我一入房門完全係另一個世界黎既

樣樣野都好整齊 好乾淨

當然我唔多望住 快d安頓好詩欣先

詩欣：係咪好意外我地間房會咁乾淨？

我：有少少啦 畢竟.....

詩欣：咪因為Natalie囉 佢好唔鐘意d野亂 所以佢會成日執 比佢感染下 我地都唔會亂擺野





我：唔怪之得啦 哈哈～ 好啦 唔阻你休息啦

我有叫Natalie番黎果陣幫你買野食 你就專心休息啦

詩欣：唔該曬你呀 呀明學長

我：唔好叫我學長 叫曬我呀明就得 如果你未好返曬你要

我載你去睇醫生你就再同我講啦

詩欣：好呀 不過你唔驚Michelle 呷醋咩 成日車個女仔好睇醫生

我：喔 唔會既 僑陸組交代果陣佢都在場 佢話睇到你好番為止 叫我放心





詩欣：Michelle 學姐真係善解人意 我好番要請你地食飯

我：好番先再講 好啦 走啦 好好休息

詩欣：知道 阿明學長

我：仲叫我學長？

詩欣：嘻嘻～

正當我還番件背心準備走既時候

我要撞到攞住晚餐番黎晚Natalie

佢好似有d野想同我講咁....





我：咁岩呀 我好似有野想講？

Natalie:係呀 我想問下.......